在網上book呢間酒店時, 講到話在火車站附近, 不過原來比佢搵晒笨, 由火車站行路去酒店, 都幾遠下, 就算在火車站搭巴士都要幾個站。但好彩間酒店樣貌正正路路, 都幾乾淨。
我地住喺米蘭嘅酒店
因為得番半日時間, 所以在酒店check in左後, 就即刻出去市中心嘅景點。去番火車站嘅旅遊局, 諗住攞番個免費地圖添 (慳得就慳嘛)。
火車站裡面個旅遊局, 難搵到飛起, 位置重有d鬼鼠添。另外, 佢地係有成2個鐘頭lunch break, 攪到又浪費左少許時間在等呢方面。等 ~ 在意大利真係家常便飯.....好煩!
在火車站有地鐵, 搭去Duomo (大教堂) 地鐵站, 就去到米蘭大教堂同著名嘅Galleria Vittorio Emanuele II個名牌shopping center。
地鐵站內景。
先搭地鐵去Codorna站, 參觀Castello Sforzesco (史科斯高古堡), 呢個古堡係米蘭文藝復興時期嘅代表作。 當日係星期五, 又因為到達時已經過左下午兩點, 所以免費入場, 很好, 又慳番一筆!
之後再搭地鐵去Duomo (大教堂) ~ 米蘭市象徵, 係意大利第二大教堂。由於時間關系, 唔夠時間上去教堂頂個塔參觀, 是今次在米蘭最可惜之地方。
咁唯有在外邊狂影一番啦!!
當日 (4月25日係意大利公眾假期) 大教堂前面, 唔知有乜活動, 多人到神經, 一班又一班類似大學生嘅團體用晒大聲公大叫口號, 又寫橫額, 又fing晒旗, 又播好大聲嘅音樂。我地推算係示威或者擴議活動。
隔離好多商舖, 其中一間仲有隊長買晒廣告嘅 bliss, 間舖頭裡面賣嘅首飾都非常貴, 我當然只係睇下啦!
Duomo另一邊隔離就係Galleria Vittorio Emanuele II, 裡面大部份都係專賣名牌牌子嘅shops ~ LV, Prada.....
米蘭一帶嘅景色....
有個加卡 (Kaka)嘅廣告牌, 應該係叫人捐錢, 因為中間個句: "Con la fame, no si gioca", 意思係, "With hunger, one cannot play"。
保方嫂賣嘅內衣廣告週圍都見到。
連大簡都要賣下廣告, 收番d錢先! 話說我走埋去影相時, 有兩個意大利男仔走番轉頭, 睇我影乜喎.... 又會咁八卦!!!
~~ 穿梭意大利 2008 ~~ 待續 ~~
那座大教堂相當之靚,可否介紹多一點呢?
ReplyDelete[版主回覆07/01/2008 19:14:00]哈哈, 我即管根據其中一本旅遊書 (品味旅遊3 - 義大利, 皇冠叢書)介紹個大教堂一下:
Duomo (主教堂), 用了500年時間建成, 是意大利最宏偉嘅哥德式建築物。以135座尖塔及2,245件雕刻品搭成的正面, 散發出大教堂莊嚴肅穆的氣派。佇立於建築物中央的尖塔名為 "聖母子", 上面瑪利亞像閃閃生輝, 深受米蘭人愛戴。另外, 刻有米蘭歷史的正門及主祭壇等都是珍貴的文化遺產。
主教堂另有一間博物館。
d歷史建築真係好靚，有特色之餘仲好懷舊feel，個大教堂尤其宏偉呀，見到人地都極力保留倒自己的歷史建築，再睇番我地香港政府，佢地反而狂拆曬自己的歷史建築如皇后碼頭等，一味起高樓大廈，真係令人氣憤呢！
ReplyDelete[版主回覆07/01/2008 19:18:00]同意, 香港政府係咁拆晒d有歷史價值嘅建築物, 真係非常可惜。一個地方嘅建築物係其中一個代表呢個城市發展同歷史嘅見證, 香港只可以話比人聽好現代化, 但有幾多文明歷史比倒人睇呢????
個教堂真係好靚!!去完維也納發覺外國喺保育方面做得好好,周圍都係歷史名勝,五步一樓,十步一閣,真係目不睱給,可惜唔夠時間...
ReplyDelete[版主回覆07/04/2008 20:39:00]同意你所講呀, 歐洲好多國家在保育方面真係做得好好, 相比起來, 香港真係超落後, 仲成日話自已國際大都會添!!!
米兰大教堂真是好靓~~ 米兰 太多诱惑的物质啊~~ 我念如果我去到就只会恨我点解无钱呢 哈哈
ReplyDelete[版主回覆07/07/2008 18:45:00]哈哈哈, Karen, 好啱, 只恨自已 have no money!!! 不過都好, 依家睇景, 將來如果有錢的話, 再來時就掃貨啦!!!! 但其實依家歐羅咁貴, 我懷疑在香港買呢d米蘭都有嘅名牌貨, 價錢會唔會相差好少呢???