我由尾睇上來 (因為後面最後一版通常有球迷同球員嘅合照, 好有趣的), 唔駛1分鐘, 即時嚇呆左, 因為竟然見到尾二嗰版, 成版係自已同埋馬基安尼個訪問 (即係馬基安尼黑面走左去嗰單事件嘅現場), 配三張大相 (兩張我同馬基安尼一齊, 一張就係馬基安尼踢緊波嘅相)!!! 好驚嚇呀!!! 點解唔係我同Palla嘅合照加訪問的?? Oh no.... Marchionni?? 我依家憎到佢爆喎...
我對住版野笑左一陣, 我阿媽就問我仲乜對住本雜誌咁好笑??!! 我當然冇話佢聽啦, 免得佢問長問短啦....
我要詳細看看版訪問講乜先, 再補充一下講比大家知啦!!
今期封面係隊長廸比亞路。
目錄個頁, 看看第92頁, 是寫住: A TU PER TU Anita intervista Marco Marchionni (= To you, for you, Anita interviews Marco Marchionni)
內文有一張相, 是球員們在香港第三日時，上郵輪上面的照片。
有一版有講隊長同Palla, 文章內容暫時未有時間睇....
登登登登....呢版就係我訪問Marchionni的球迷版, 內容未睇晒…但我覺得似介紹我多d (因為當日位祖記官方記者曾訪問過我)…Anita e’ una super tifosa Juventina (Anita is a super Juventus fan)…. She confided to Marco Marchionni, even though her heart is for Raffaele Palladino….She has been to Italy twice, both to watch Juventus football matches at the Olympics Stadium…. 之類之類。其實最後嗰幾句我唔明意思, 所以星期三晚上課前要問下我意大利文老師先 (佢都係祖記球迷, 唔知會唔會比佢笑爆添…)
好開心, 竟然上左祖記月刋, 但就好愕然, 因為竟然有成版內容…我一路估當佢地講番祖記亞洲之行時, 可能會有個corner位會講下我, 會放我同Edwin影的相, 因為當時祖記個官方攝影師向著我地影相。
依家變成我訪問馬基安尼, 仲原來唔知幾時佢地已經影左我同馬基安尼喎!…總之我就要求訪問Palla啦, 真係!!! 好彩佢地mention我係鐘意Palla啫 (Palla一定要睇到呀)… 哈哈, 但點解佢地唔講我話馬基安尼非常unfriendly個句嘅!!! 哈哈哈!!!
有無相睇先?
ReplyDelete[版主回覆06/16/2008 23:28:00]依家upload緊, 等等我... hee hee...
仲有冇有關祖記香港之旅嘅内容呢?
ReplyDelete[版主回覆06/17/2008 00:17:00]未見其他有關報道, 可能係等埋佢地澳洲個旅程d相先一次過出專輯掛....到時會唔會又有我地個嘜頭呢?? 哈哈哈!!!
成個大字標題妳個名 ~好似係駐港記者咁~
ReplyDelete[版主回覆06/18/2008 00:40:00]我最初亦係被個咁大嘅標題吸引左注意....可惜佢冇話我來自香港呀!!! 激死人呀, 呢樣野好重要ga ma!!
有埋名 tim wo ! 真係價值連城 ! 本書一定要好好收藏啊 !
ReplyDelete[版主回覆06/18/2008 00:42:00]係囉, 估唔到大大隻字寫左我個名出來!
是呀, 本書真係要好好收藏起來...
嘩如果你而家仲鍾意佢, 一定開心到暈 不過唔緊要呀, 真係好難得同好有紀念價值呀!
ReplyDelete[版主回覆06/18/2008 00:45:00]真係好有紀念價值, 感謝祖記雜誌班編輯同記者 .....比我呢個超級難得嘅機會見報! 我寧願見報都唔好上鏡....好驚上鏡....
佢地官網既人都好醒喎，登出黎果兩張相，馬基安尼好開心咁喎，唔知既人仲以為馬基安尼好享受被你訪問，剩睇圖真係被佢地呃曬 ，又一次証明記者最叻吹水！
ReplyDelete不過算啦！你已經成為……
註香港特派記者︰An Lee 打，哈哈！
[版主回覆06/18/2008 00:52:00]Dick, 你講得好對, 唔知的話仲以為馬基安尼好友善好好人添!!!
估唔到記者拍攝 (videotype)唔到我訪問Marchionni (佢全程黑面, 點播比觀眾睇得ga??!!), 於是用文字介紹... 帶出祖記membership有幾好喎 (要收費呀)!!! 但我提議佢地下次先攪好球員嘅態度, 事關球員係球隊第一公關!!!!!!!!
恭喜晒啊~~我念你再去Torino 他们见到你一定是VIP招待啊 哈哈
ReplyDelete[版主回覆06/18/2008 00:54:00]希望下次返都靈會得到祖記VIP式的對待!!! 哈哈哈哈哈哈哈!!!
訪問內容係d乜??
ReplyDelete[版主回覆06/18/2008 00:55:00]有一篇新post, 有講的, 請去睇睇啦....
好勁呀!!!!
ReplyDelete[版主回覆06/18/2008 00:57:00]好難忘, 好surprised, 好正!!! 留作人生好紀念......
uno memeber venuta da molto lontano....
ReplyDelete親自到義大利做訪問？
請問為哪份雜誌？日後多留意。
[版主回覆06/18/2008 00:57:00]新post的一篇文章有講的, 請看....
我有買到這本雜誌囉 ,下次見面要請你簽名呢
ReplyDelete"名人"
[版主回覆07/17/2008 20:16:00]美玲...你買了這本雜誌?? 你在那兒買的? 從意大利那邊??
好, 沒問題, 下次見到你時, 盡管拿給我替你簽個名吧!!! 哈哈哈, 講笑!!!