簡直係超級失望。以為上回合有2個作客入球，今場返主場會易打；點知今場打左一半，上半場已經2:2, 比國米攞左兩粒作客入球。下半場踢得好差，比佢地入多一粒；兼夾0個個咁嘅甘莫蘭尼斯，應該係痴左根，咁踢人吃左面紅，仲好似好enjoy咁。佢精神有冇問題，已經好幾次在球場失控，又攞紅累球隊踢少一個，真係多得佢唔少。唔該佢反省下自已d痴線行徑啦。
好彩馬基安尼只需休25-30日，好呀，快d復出唔該，唔好只靠Camo!!!
2號門將Belardi, 好驚呀....佢全程騰騰雞雞，慌慌張張，表現全冇信心。究竟鋼門保方哥幾時好番？ 好掛念你呀!!!! 據聞祖記想在2月1號轉會限期完結前搵Pagliuca黎幫手解困
。嘩! Pagliuca有經驗得多啦，希望可以成功拉到佢黎幫忙。
總括黎講，冇第二d選擇，一定要保實聯賽頭四名，如果唔係.....死得啦！
隊長入左個靚罰球, 先追和 1:1。
拉素借將Stendardo首次代表祖記上陣，可能因為踢開意甲，非常適應，效果好似幾好咁。
"騰雞一號" - 點做意甲大球會2號門將呀??!!
終於係今場意甲賽事贏番波，而且重係作客，非常高興！
開頭時其實利禾奴踢得一d都唔差，而且有2次重差d就入到波，好彩祖記嘅後防改善左，好集中，化險為夷。
希望贏波可以振奮鬥志同士氣，有助星期三係意大利盃8強次回合時，在主場惡鬥國米。希望90分鐘內攪掂國米，唔駛加時 (咁我地呢班觀眾都可以早d安落返被窩.....哈哈)。不過後防最新隱憂係保方有傷在身，可能唔出得。如果真係的話，咁希望Belardi醒醒定定呀。
我覺得睇Cable講波多d親切感, 可能慣性問題。 64球彩台班講波友 (尤其阿鵬)好攪笑，肯定唔會令我瞌眼瞓先。
查斯古特好厲害，又中兩元！暫時已經在今屆意甲累積入左15球！
隊長都唔輸蝕，入左一粒。另外又有助攻造就查斯古特嘅入球。
兩位哥仔當然好開心啦！
再黎個熱烈擁抱先！
歷高達利似唔似跳梗舞呢???? 
佢今場表現都唔錯。
今日睇到意大利一份報紙網上版報道，以我個人理解, 內容嘅意思好似係：
有一個祖記球迷，對祖記係轉會市場嘅表演太失望，所以決定將體育總監Secco放上ebay拍賣, 底價係 0.01歐羅！個球迷話要搵ebay幫手搵個方法解決令祖記係轉會市場招致災難嘅人 - Secco! 最後有人以 14.50歐羅bid左!!!
好攪笑....
不過講真，比起莫治，Secco的而且確係完全唔夠班。莫治叻得多，眼光好得多，不過佢係咪好似永遠不可踏足球壇 呀???
嘩，終於在轉會市場有d好消息，Mellberg7月過檔，而Stendardo都會加入喎。好事，依家人腳充裕多d.....事關 祖記已經積埋好多傷兵喇。希望d新兵啱祖記用。
呢幾日，天氣又再轉冷，本來只係凍都重好，但加埋落雨同大風就唔好受。昨晚在某個半山上等左半個鐘先有車坐返屋企，空曠地方大風到飛起。我對手雖則已經放左入衫袋，但都凍到硬晒；個頭都被風吹到神經，有d痛。
屋企已經關晒窗，都唔知d風係邊度吹入屋！夏天又唔見間屋咁風涼水冷喎！
你話如果間屋有暖氣幾好呢？雖然會乾燥d，但起碼個人就溫暖得多啦。
好凍呀，幾時暖番d，有番太陽伯伯出黎呢???
又一次嚇鬼嘅比賽。如果呢排心血少，真係唔適宜睇祖記嘅比賽，事關過程峰回路轉 ，完全估佢唔倒。
昨晚唔知有幾多人睇左場直播，要4點鐘爬起身睇波真唔易。
以為咁早踢多國米一個人會佔倒甜頭，點知仍然攻極都入唔倒球，重反過黎比佢地下半場入左兩球添 (而且係祖記嘅頭號尅星告魯斯)。佢入左2球後我真係好鬼想熄電視瞓覺，因為真係冇晒心機。連張被都攞鬼左返房，但又唔捨得走，睇多一陣，情況冇變。決定去完洗手間熄電視.......
點知出到黎企定唔夠30秒，查斯古特回個波比隊長，佢就一腳射左入網，靚入球！果然係廸比亞路，o係艱難嘅時候都唔會氣餒。永遠都保持專業不放棄嘅態度同精神，真係令人專敬。
最神奇係令到祖雲達斯落後兩球個位罪人保桑竟然好快之後(5分鐘內)頭頂入左一球Palladino開出嘅角球！唔知係咪會係佢在祖記嘅最後紀念呢??????
諗住好有機會贏波，就變落後；諗住輸梗，又變成追和。世事真係好奇妙。依家有2個作客入球在手，唔知下回合返到主場又會係乜野境況？
嘩，今場個龍門巴拉廸好似好鬼唔掂喎! 我真係越來越唔明雲帥嘅策略...好似唔理好醜，總之出晒所有前峰出黎就得咁 (DP, 依亞昆達、Palladino同埋之後入替Marchio嘅查斯古特)。佢d排陣有時真係好奇怪, 將d球員d位轉到7彩........重有好慘就係Marchio7分鐘比個死人馬特拉斯踢到佢要傷出，啱啱10月尾先復出咋。依家已經有推斷佢可能又要休幾個月！ 咁起不是佢今屆已經唔駛踢？ 非常唔開心...............please, 希望消息係假，而且依家人腳已經好缺了。
昨晚場波結果又只係和波，又一次好無奈.....太老土，好痴線, 隊森多利亞守多過攻，個勢好似攞一分走人就算，成鬼日成棚人係晒後面防，數埋佢地進攻時間唔知有冇10分鐘, 根本祖雲達斯太難攻得入佢地個龍門。同隊咁嘅球隊踢波真係好鬼無癮！
查斯古特個球好似過左白界，不過又好似唔多肯定；而馬基安尼下半場如果o個個係判12碼，你話幾好。
重以為可以睇下卡斯辛奴添，點知昨晚冇出到；而蒙迪那又傷鬼左，如果唔係場波就精彩得多。
查斯古特同馬基安尼攻極都唔成功。
見番歷高達利在場，很好呀。
唔知各位前晚有冇睇場波，我就睇到一額汗！
5:3對於祖記來講真係唔多尋常，一來開咁大比數唔多似我地球隊作風；二來入得多之餘竟然同樣失好多粒。當然冇保方在係一個原因，但另外重有更大因素係隊波嘅超嚇人後防，真係嚇死冇命賠！
以為一開始10分鐘已經入左兩球比較安心，但其實係嚇人場面嘅開始...18分鐘左右基亞連尼要傷出，換入Boumsong, 呢位仁兄真係弱到震，我見到佢出場(重要係咁早就出場)就覺得好大劑。佢同Grygera不斷犯錯，而且加埋少左歷高達利 (患感冒)、洛斯連奴休息, 所以兩個人冇出場只係坐觀眾席，後防死得咁滯。好彩下半場有DP同斯歷咸美斯換入，救番球隊一命, 最終驚險咁贏左5:3, 兩回合合共 6:5, 進身8強。不過8強要對國米，好擇駛。
好開心Marchio4分鐘已經入左個靚波, fantastic! 跟著10分鐘時, 重助攻做就Nedved入球勁嘅。伊亞昆達果然狀態勁佳，入左2粒，而DP就又引到對方球員勾跌佢，搏到個12碼，自已射入。
Tiago - 簡直廢到震，豪無建樹，阻住球隊發揮添，領隊真係唔該咪再出佢浪費時間。Grygera越來越唔對版喎。Boumsong就咪鬼提，唔知點解佢仍然可以喺祖記存在到依家！！ 究竟球隊幾時正正經經搵番2-3個掂嘅後衛返黎呀？祖記一直以來最出色之一係防守厲害，但依家防守就變成最弱一環。
我個人覺得球隊前面已經夠晒人； 但中後場，尤其後防真係好要改善，快d搵個Nedved接班人啦！ 換走幾個後防壞鬼，買幾個勁人過黎啦...如果森保達回歸你話幾好！去乜鬼AC吖。
今日睇到一份意大利報紙網上版嘅一篇文 (不過嚴正聲明，我唔知有冇解錯文章意思, 哈哈哈), 祖記個President話對Amauri好有興趣，咁Palladino咪好危？ 篇文又話據講巴勒莫同阿仙奴 (!!) 對Palla好有興趣咁話！ 雖然今季Palla冇上季咁突出，但都唔係話太差。
請問有冇人知道點可以save低用Flash做format嘅相呢？祖記個相簿d相依家轉晒用flash format, 想save一d相做紀念都唔得呀
。知道的話請教一教我，唔該晒。
我至愛之一Marchio入波，我梗要放佢d相入黎為佢慶祝一下啦！！
正！ 希望佢入球停不了，繼續努力, Marchio!
隊長都唔執輸，入番一球，助球隊晉級。
今晚又有波睇喇，意大利盃 (Coppa Italia TIM Cup) 次回合，我地主場對Empoli, NOW 3:45am (633台)有得播。我適宜少說話多看球賽，講親冇好。比賽後先再講下廢話.....
好無奈，結果只係 1:1, 卡坦尼亞個入球好似係越位喎，我地應該全取左3分先啱。
點解 Tiago同基亞連尼在禁區扮被踢低？比較低裝。第二次咪再攪呢d野，用實力取勝先至有意思嘛。
Tiago踢咁耐都唔掂，我睇佢好快比ding走。不如快d買個勁料嘅後衛返來補番d位。
DP真係好有經驗，一個對幾個，好冷靜，得佢先可以最後關頭攞番一分。
我個人覺得上半場唔好睇，不過下半場刺激好多，緊張好多，可惜太遲換入伊亞昆達。
廸比亞路 - 贏波功臣。
賽前及賽後握手，顯出友善同風度。
