暫別各位blog友!!

各位blog友, 暫別您們各位一小段時間，因為我 24/4至 18/5外遊, 目的地就係意大利。今次要遊玩好多大城小鎮, 所以會異常忙碌。第一站米蘭, 留一晚後將過都靈停留一星期，應該會看祖記對拉素嘅意甲賽事, 已訂左飛, 希望一切順利啦, 各位保祐我, 我唔想又行都靈奧林匹克球場一圈呀, 一定要早d入場影多d靚相, 同大家分享下。

因為太忙, 所以呢幾日未必再有時間update我個blog了, 但歡迎各位有乜留言過我, 有時間實回應, 哈哈哈!!!  咁就等大家多d update喇, 等我可以睇下你地有乜新料嘛!!    (加埋我公司依家唔多方便上網, 失去人生一大樂趣呀, 救命!!)

另外希望我對腳頂得住日行夜行, 事關大約兩個月前整親, 右腳跟膜炎, 先在腳眼位, 再走左去腳底, 打左支針在腳底後 (痛到死死下), 點知又走番去腳眼位, 暫時仲未好晒, 行得多就開始痛, 所以有d擔心, 希望行慢頂到啦, 我帶3個星期藥, 唔知有冇幫助, 但我醫生已經嚇我, 話我返來一定會又要再睇!!! 

當然希望今次又會在街見到祖記d球員啦, 馬基安尼, Palla, 隊長, Legro, Buffon,等等等等等，嘩, 係就發達囉!!!!!  希望啦 (不過不會太大期望, 等我到達都靈後即刻收下風先)!! 

各位保重, 5/18返來後即刻又會contact各位, 傾下我地個plan啦!!  返來幾日又可以見到祖記踢波, 想起都真係開心到瞓唔着呀!!!  到時就可以一齊喺大球場大叫支持我地球隊喇!!  YEAH!!! 

我再唔pack行李就大劑喇, 所以遲d再講啦!!  Hee hee...