經過上星期有帕爾馬球迷被意外車死而將祖雲達斯對帕爾馬比賽delay後, 祖雲達斯在今個星期日(6號) (意大利時間8:30pm/香港時間星期一凌晨2:30am)將繼續賽事, 作客巴勒莫 (好似係Cable 62台直播)。太好喇, 餓波好耐!! 好似好耐冇睇祖記踢波喇。
如果巴沙烈提被派出場的話, 就會係佢自下半季轉去巴勒莫後首遇祖記球員喇! 我仍然覺得祖記放走巴沙烈提係錯, 不過冇辦法啦, 已成事實。雖則佢不再代表祖記比賽，不過我好希望佢踢得好 (等祖記後悔下都好!)。不過米高利有傷在身，據講唔會上陣, 見唔倒佢惡鬥祖記球員添。
呢場波另一期待, 當然就係睇馬基安尼啦! 本來上場已經可以出啦, 可惜發生不愉快事件, 攪到又要等多一個星期添。
講開就講, AC奧度要做手術, 將要提早完成今季, 最慘係可能出席唔倒6月歐洲國家杯, 咁...多一個後衛名額, 唔知邊個有機會呢? 歷高達利之前話渴望代表國家隊比賽，唔知佢有冇咁好彩會入選呢? 如果有當然好啦, 因為又會多一個祖記球員出席今屆歐洲國家杯嘛!!! 
為國爭光, 係人都想啦, 歷高達利, 祝你好運啦!!!
No comments:
Post a Comment