真係輸得陰公, 學似其它blog友話齋, 祖記昨晚場波簡直係黑過墨豆, 下半場狂攻, 但唔係中柱, 就係比對方龍門芳坦拿撲出或接住。至88分鐘, 仲衰到比人射左個世界波! 個位阿哥仔卡辛尼, 仲好似係祖記嘅青訓產品添!
昨晚場波, 巴勒莫位阿瑪利, 連中兩元, 緊係想show quali比祖記睇啦, 希望被買入; 而巴沙列提就極度活躍, 對祖記好似報仇咁報咁!! 總之我就唔鬼講話叫佢踢好波等祖記後悔啦, 衰多口, 以後唔再亂講野喇!! 
估唔到連歷高達利都黎個31m勁射, 如果入左就真係發達囉! 而隊長就差d中三元呀!!
唯一係完場時刺激下我眼睛嘅, 係鏡頭影到雲帥後面嘅馬基安尼, 持續幾秒, 佢插左對手喺褲袋, 垂頭喪氣咁離開球場.....我地全體喺電視機面前睇場波嘅人何嘗唔係非常沮喪呀....
唯有寄望星期六主場對AC米蘭, 可以搵班紅黑兵團出氣!
No comments:
Post a Comment