今朝開email, 收到一個好開心、好安慰嘅消息, 一位舊同學報告下佢最新動態。其一係佢搵到一份新工作, 去左一個志願團體做社工, 會經常去大陸好辟地方做野, 睇佢比我睇嘅相, 真係感受到呢個世界真係有好多活在好低水平嘅地方嘅人, 我真係已經好幸福...
其二係, 佢一位近親, 本來有一種cancer, 喺死亡邊緣, 但經過大手術切除種瘤後, 康復中! 好開心, 我朋友係基督教徒, 佢每人都同佢呢位大病親人祈禱, 希望佢早日康復; 我都曾經在我祈禱中保祐佢呢位親人。 當然, 天主並不是有求必應, 但如果堅持抱有信主嘅心同積極嘅人生態度, 咁起碼喺困難之中都有安慰。 依家呢位親人更加已經成為基督徒 (雖然係基督教唔係天主教徒, 不過都係相信同一的主啦)。天主又一次在相信佢嘅人中顯示奇迹。
好奇怪, 試過幾次, 本來我好唔開心, 心情唔好。去到彌撒, 神父講道理, 竟然我覺得佢講嘅說話好似同梗我講野咁, 好神奇。每次都令到我又好有番生氣咁離開church! 
好老土，不過係我個人嘅感受......人生充滿起跌, 祈求天主保佑並帶領我地尋找積極有意義嘅生活。 願主保佑各位。
No comments:
Post a Comment