2008香港煙火大匯演

2007年成為歷史，轉眼又到2008年。同朋友們到中環睇煙火表演。雖然詠彩耀香江已經做左幾年，但我今次都係第一次睇，重要係在大除夕睇，相信一定勁多人。最終我地決定留在港島區，唔駛走過海咁鬼煩。

在天星瑪頭對開，對正IFC2搵到個有利位置，實在好好彩。個煙火表演實在好好睇，而且氣氛非常好。我都影相同攝錄左好多景。香港夜景真係好漂亮。之前在意大利旅行時，在都靈遇到一位當地人，佢知道我來自香港後好興奮，佢話香港回歸前 (大約1995/6), 佢黎過香港旅行，話香港非常非常美麗。之後在羅馬機場遇到一班來自英國的老人家，佢地又係一知道我來自香港後就引起一陣騷動！ 佢地猛咁話香港的夜景好靚。連迪比亞路都在佢最近嘅自傳中，話香港係十個佢最想停留、去或再去的地方嘅其中一個...

"Hong Kong, una citta' difficile da immaginare se non ci sei stato.  Forse anche se ci sei gia' stato, perche' cambia alla velocita' della luce."

大致 (我自已亂翻譯)嘅意思係: 香港，如果你未去過個度, 佢係一個好難去想象嘅城市。就算你已經去過個度，你都難以想象，因為佢隨著燈光不斷轉動而改變 (燈光轉變速度很快)。

為作為一個香港人感到驕傲。