意大利2008年最新國家隊波衫!!

經不起引誘!!  今日開始我個衣櫃又多兩件寶貝！

有位blog友話有隻意大利國家手錶出左，所以今日諗住去睇睇 (實情就係想買啦)。錶未有貨，不過兩隻眼就比另一樣野吸引...最新為2008年歐冠盃而設計嘅波衫出左寵。我以為冇咁快有得買，所以見到時都幾驚喜。個salesman即時講話來貨很少 (通常都係咁講啦)，喜愛的話快脆買，重話用匯豐信用卡有9折。我費時遲d買唔倒，所以都心思思。諗住只買件作客 (因為件作客比較型)，但試完一輪，最終都敵唔過件藍色衫，買得件作客好似應該買埋件主場喎，所以最後..........主場作客兩件衫都帶晒返屋企！

今個月已經過份花費金錢，所以我要將我所有卡放晒係櫃底, 下個月再見光！

意大利，我咁愛你，你係咪應該好好回報我地呢班忠心之士呢？ 哈哈。 

咁....記住今年歐冠盃做多幾齣好戲，做埋歐洲盟主啦！！

其實今次件主場衫質地幾靚，有兩層網狀的，應該通爽舒服d，而且冇06世界杯個件咁貼身。件衫週圍圍晒金邊。

至於件作客波衫，好滑身，好正呀！

好型嘅領位。

後面就印有國家嘅名; 週圍亦係圍晒金邊。