終於係今場意甲賽事贏番波，而且重係作客，非常高興！
開頭時其實利禾奴踢得一d都唔差，而且有2次重差d就入到波，好彩祖記嘅後防改善左，好集中，化險為夷。
希望贏波可以振奮鬥志同士氣，有助星期三係意大利盃8強次回合時，在主場惡鬥國米。希望90分鐘內攪掂國米，唔駛加時 (咁我地呢班觀眾都可以早d安落返被窩.....哈哈)。不過後防最新隱憂係保方有傷在身，可能唔出得。如果真係的話，咁希望Belardi醒醒定定呀。
我覺得睇Cable講波多d親切感, 可能慣性問題。 64球彩台班講波友 (尤其阿鵬)好攪笑，肯定唔會令我瞌眼瞓先。
查斯古特好厲害，又中兩元！暫時已經在今屆意甲累積入左15球！
隊長都唔輸蝕，入左一粒。另外又有助攻造就查斯古特嘅入球。
兩位哥仔當然好開心啦！
再黎個熱烈擁抱先！
歷高達利似唔似跳梗舞呢???? 
佢今場表現都唔錯。
你琴晚又睇咗呢場波呀? 勁!! 我都好想起身睇，但真係難以抗拒周公嘅誘惑，最終都係一覺瞓到大清早... 今朝起身睇結果。
ReplyDelete係呀，睇左呀，所以今日全日都眼瞓都震！
ReplyDelete今晚提早搵周公先得呀！
雖然阿鵬好睇,但我睇到2:0就訓了,要返工~~~希望cable有多d祖記賽事播啦~~~~
ReplyDelete另外,美爾堡將於7月加盟祖記,希望下個係雲達華治啦~~~
[版主回覆01/31/2008 16:42:00]係啦，希望雲達華治快d決定加盟啦，已經忍受唔住祖記嘅虛弱中場。
睇完場波好開心,不過真係好眼瞓!上星期睇意大利盃對國米之後只係瞓咗一粒鐘就要返工!呢場我睇完都有3個鐘瞓,嚟緊又要捱眼瞓LU!希望保方出得同埋贏得清脆啦!
ReplyDelete[版主回覆01/31/2008 16:43:00]你只係瞓左一個鐘咁強??!!