無無聊聊，就走去同兩件今季祖記波衫影左幾張相。然後就收鬼埋d波衫佢。兩件衫買左好耐，但d字同號碼就等左成兩個月，等到頸都長。本來件主場同作客係細碼 (雖然我通常都唔着波衫，齋儲), 但當上到舖頭印字時，發現馬基安尼個名實在太長太大，佢地suggest我換做大碼 (好彩我件衫未着過，佢地話可以幫我換), 我就唔想啦，大碼咁鬼大，所以叫佢試下中碼先。但點知中碼都真係唔夠大，d字排到出到個袖位，咁...唯有轉大碼啦。大碼實在老連咁大件，我懷疑Marchio自已着唔着得落L呀??!!
波衫，我唔着只儲，係因為我着親波衫，支持嘅個隊就唔係打和就係輸。真係好唔老黎...06世界杯意大利對烏克蘭、8強對澳洲、4強對德國、決賽對法國，全部都應驗。着住件衫死唔入波，一除件衫，竟然轉過頭就入喇，冇講笑，當時大把 friends做証，個個叫我咪再着波衫睇波的！！ 所以...呢兩件我都一定唔會着，加上...Marchio同Palla今季so far未有運行，我要收埋兩件衫添呀, 有咁密收咁密，直至今個球季結束！
No comments:
Post a Comment