終於收到祖記12月號雜誌!

千呼萬喚，我終於收到12月個期的祖記月刋。真係離晒譜，本雜誌其實在意大利那邊11月尾已經出左，但竟然攪成個月我先收到。佢地效率真係超慢，我同佢地deal, 已經培養左好大耐性，因為你催促佢地係唔會有用；你亦唔好想投訴佢地喎，因為係唔會有結果。終於收到，好開心，因為冇寄失到 (呢亭野在意大利都好鬼common), 第一時間感謝主 (真的)。

快快脆打開本magazine睇，今期有歷高達利的專訪, 中間大頁就係依亞昆達 (yeeeeee), 雖然查字典係我睇呢本magazine時大部份時間要做嘅事情，不過從中學倒好多新字或grammar。雜誌用嘅字好多時好鬼深，反而祖記網頁的意文, 都可以估到佢講乜東東 (睇唔明就可以看英文version比較番)。 睇祖記新聞就係我學意文的最有效途徑。本magazine內客好多，等間就要認真看歷高達利個專訪先！

幾時有MM的訪問呀？ 10月中復出以來，佢都只係做個1次正選 (意大利盃對Empoli首回合, 但場波祖記輸2:1)。 希望歇冬後佢快d回復狀態，做番正選，入多d波啦。熱切期待4、5月係都靈再見到佢。