1994年，因為參與一個國際性嘅學術比賽，同好多唔同國家嘅學生屈係一個camp十日。每日日頭就係比賽、參觀地方，晚上就無野好做，除左玩、傾計、飲飲食食之外，就係睇電視。當時正值世界杯舉行其間，好多人每日去common room (亦即係電視房)睇世界杯比賽。因為我地來自五湖四海，所以common room氣氛超熱鬧澎湃！
當時無情情 (我都唔記得點解), 跟下跟下，見意大利隊波走勢凌厲，就開始支持佢地。好可惜，最後關頭佢地踢12碼時，輸左比巴西。我重好記得當巴治奧踢左個波上天個下，全場大叫，然後在場班意大利仔就好失落，散band走人....我當時就係第一次為意大利國家隊感到失落。
失落 — 每次都係失落，每次國際賽都未能突破，捧佢地場都係傷感收場。直至 2006年！ 好苦呀，終於等倒喇！ 世界冠軍，終於落倒去意大利隊個袋喇。 簡直激動流淚呀。今年，2008年, 歐洲國家杯，希望意大利再下一城啦！ 贏埋個歐洲冠軍！！！
Forza Azzurri!
No comments:
Post a Comment