病到五顏六色!!!

冇浦頭幾日其中一個重要原因，係因為之前幾日病到五顏六色。新一年開始竟然病到豬頭，真係唔多好意頭，不過可以藉此警醒自已注意健康。

真係唔知道，腸胃炎竟然可以由晚上10點開始，每15分鐘嘔一次，嘔到1點幾，嘔到嘔左3次黃胆水, 唔係誇張，我直頭嘔到透唔到氣，差d窒息咁滯。跟著就變成肚痾, 又係3、4個字痾1次...到2點半，我個胃痛到完全抵唔住，就由屋企人陪入左急症室。 10分鐘飛的去到急症室, 但等就等左2個半鐘先輪到我睇，簡直係離譜。我痛到死咁滯，個胃係咁抽筋，一時挨係度，一時瞓左係張櫈度。如果唔係夜媽媽，我一早睇左私家醫生。

第二朝，我好似冇乜大改善，而且重覺得好鬼熱。我下午就走去睇番自已平時睇開個醫生。我入到去佢房，差d暈低咁滯，"鐘"左埋張櫈到，佢嚇左一跳，見我咁嚴重，再measured我體溫, 101度。佢話我應該即刻去醫院。我話想佢睇我多d，因為睇急症室冇用，我越睇越衰，由微燒變成高燒。 佢就睇左我，我睇完佢到夜晚已經好好多，佢重個晚打來問我情況如何！

好彩星期五好番好多咋，因為一早約左friends星期六要去Macau玩，最主要原因係睇個 "達文西展"。 本來以為可以去一個friend的wedding banquet, 但因為一d原因唔去得，所以改去Macau玩。 Macau的事，容後再談。

所以新一年祝大家最緊要身體健康，同埋孝順父母啦，因為多謝佢地照顧左我好多。