今朝在網上看到呢單消息嘅簡單報道,但 因為未見到相片同埋未睇電視, 所以未知情況有幾嚴重。但返左屋企睇到新聞, 真係覺得好勞氣, 亦替事件中嘅死者同家人傷心。
我覺得極度憤怒, 那個不知所謂嘅司機簡直唔係人, 自己飲左酒仲走去揸車 (佢仲係準備揸架車去開工, 想用粗口鬧衰佢), 依家連累六個人因為佢自私自利嘅行為而賠上寶貴嘅生命。呢種人就算坐一世監都唔可以補償六個無姑嘅人嘅性命, 同佢地屋企人失去左親人嘅痛苦。農曆新年前收到呢個咁慘嘅壞消息, 死者屋企人一定尤其悲痛。
點解咁多人知道酒後駕駛係危險嘅事都仍然有咁多人繼續咁做? 揸住架車好有型呀? 被捉到酒後駕駛嘅人應該被終身停牌先啱。酒後駕駛發生任何交通意外, 應該被判最少10年監, 判佢地去大西北勞改!
希望呢六位不幸去世嘅乘客同埋的士司機, 可以早日安息。
其實呢個罪行判刑大少...我覺得醉酒駕駛導致他人死亡,應該如同誤殺...
ReplyDelete臨過年整單咁野,咁就連累咗多個家庭...點樣過年...唉~
[版主回覆01/23/2009 22:01:00]係呀, 醉酒駕駛應該如同誤殺, 甚至謀殺, 呢種人明知唔應該做而做, 知法犯法, 仲害死咁多人, 折散咁多人家庭, 唔知呢個人依家有乜感想, 呢世人點繼續行得正企得正咁生活呢。
我覺得要判個司機終身停牌，太不負責任！
ReplyDeleteｔａ，祝你新春大吉，身體健康！
[版主回覆01/25/2009 21:29:00]係呀, 要判呢種人終身停牌!
Bear Bear, 祝你牛年心想事成, 身體健康, 日日開心滿屋!!!
我已避睇今晚既新聞報導,明天報紙都唔會睇...唔想被d傷感氣氛感染...
ReplyDelete[版主回覆01/25/2009 21:38:00]咁又係, 有時睇得太多呢D唔開心嘅新聞真係好影響情緒!! 大家都想有個開心平安嘅心來迎接新一年嘛!!!
其實車死人最重罰三年咋，如果你想殺人，最好就係車死佢!!! 都唔知香港法律點判既....
ReplyDelete[版主回覆01/25/2009 21:41:00]真係要慎重檢討加強刑罰先啱呀!!
睇到段新聞好唔開心. 見到死者家屬求曾生修改法例, 個心更加唔舒服呢! 醉酒就唔應該駕駛, 你唔希罕自己條命都理下人啊!
ReplyDelete你睇今日份蘋果仲傷感..............我都睇到有DD淚光 ! 希望佢地早日安息 !
ReplyDelete[版主回覆01/25/2009 21:51:00]真係好唔開心呢....係啦, 希望佢地早日安息。
勞改都唔夠啦. 終身監禁就差唔多.
ReplyDelete佢咁樣間接殺死六個人之餘, 仲害左人地幸福既一家. 奈何香港對醉駕刑罰太輕, 往往未能起到阻嚇作用.
以前太多醉駕害死人既CASE, 但係都只判幾個月監! 真係好離譜. 而家社會大眾有晒共識要加重醉駕刑罰, 唔該政府拿拿聲做野, 修訂法例!
[版主回覆01/25/2009 21:52:00]係呀, 經過今次呢次嚴重車禍, 政府會盡快修改法例, 重判醉駕者。
(Empty)
ReplyDelete[版主回覆01/28/2009 23:33:00](Empty)