我的漫畫之道....

之前講話, 2009年其中一個願望, 係睇多D好書嘅。

嘻嘻, 2009年只係過左幾日, 我就一連睇左兩本書, 不過兩本書並唔係文字書, 而係漫畫書 (都好啦, 漫畫都有字在旁邊嘛, 哈哈)。

一路都非常少睇漫畫書....其中一個原因係: 究竟D漫畫係從左面個格開始睇, 定係由右面個格開始睇呢?  又成日睇錯D對白次序喎...

上年書展期間, 聽聞有一本書非常熱賣, 但竟然係 ~~~ 一本漫畫書??!!  絕對唔係話睇唔起漫畫書, 但作為一個國際化城市 (所謂...) 嘅書展, 最熱賣書本如果係一本文字書好似好D咁..... sorry如果得罪各位漫畫迷。

呢本熱賣書就係: 我們的低能婚禮!!!

 

成為一本熱賣書, 自有佢受歡迎嘅原因, 點都要知下D潮流野ga....所以走去普通書店打下書釘先.....本書又幾搞笑喎...不過都係唔捨得買。上個禮拜發現原來有位朋友有呢本書, 佢仲有呢本書添喎: 我的低能之道 2!! 

 

我發達喇!!  即刻問可唔可以借黎睇...."我保護書好好ga, 睇完即刻還比你下".....當然要讚下自己啦, 以求對方肯借書比我呀。

我們的低能婚禮: 個半鐘左右已經睇晒本書!  我覺得畫家應該真係搞過婚禮, 因為佢真係講得出當中過程嘅辛苦之處 (我完全感同身受, 因為上年連續兩次幫人地手搞婚禮, 真係: 煩, 多野做, 又混亂, 又花時間心機)

我的低能之道 2: 亦係兩個鐘內睇晒本書。都幾好睇呀, 其中有D地方我仲笑到唔識出聲!!!

睇漫畫, 一陣就睇晒; 但對漫畫家來講, 從想ideas, 到構思畫圖, 認真考功夫, 花時間, 所以我都應該改變下思維, 欣賞多D漫畫呢種書種呢。