歲月不留人 ~ Jason Donovan & NKOTB

無無聊聊, 在FACEBOOK左search右search, 諗住揾下會唔會有D fan groups, 係我以前喜歡嘅明星歌星...

上排好似提過, 我竟然揾到 New Kids on the Block!  隊boy band當年紅到顛, 有聽英文歌的話一定識佢地個名。

我以前超級鐘意嘅 Jordan Knight....勁型!!

佢地事隔多年, 又出番黎唱歌。見到佢地嘅近照, 都幾驚訝, 因為佢地五個老左好多 (咁都OK), 又肥左好多, 眼神欠光采。我以前至喜歡嘅 Jordan Knight, 依家好鬼 "佬" (唔係 "鬼佬"), 好sad....仲有, 好多 FANS好似...........好大隻....

所以晨早佢地已經改左名: 仲乜鬼kids, 已經係men啦

New Kids on the Block --> NKOTB

Jordan依家個成熟型樣貌....

最唔開心係剛剛揾到另一想當年好喜歡嘅Jason Donovan, 原來上年左右佢又係出番黎唱歌。我見到佢個近貌, 簡直嚇一大跳! 

先睇下佢20歲左右時個勁俊嘅樣先....兩張都係同 Kylie Minogue合照。當年佢兩個勁 HIT, 第一張係佢地在電視劇 Neighbours裡嘅結婚照; 第二張就係佢地首 SUPER經典歌 Especially for You嘅唱片封面。

;

Jason Donovan消失多年, 我剛才在網上揾到料, 原來佢因唱片銷售量欠佳被唱片公司解約後, 中間有幾年生活在毒品中, 後在2000年識左依家個老婆, 生左兩個, 先遠離左毒品。 碾轉間, 2007年再重出樂壇, 前幾個月又出唱片。雖則冇唱歌, 但一直有做舞臺劇 (in London, Sydney & Melbourne), 咁又唔太差喎。

但佢依家個樣真係........太唔同喇, 又老又冇乜頭髮。 有D角度睇落仲好似前英國首相貝利雅 (Tony Blair)。

Jason Donovan只係41歲, 點解咁快變成巢晒皮gee。

雖則佢地老晒, 但轉頭又諗, 老係自然定律, 最緊要活得精彩 & 有意思啫。40歲正係人生黄金時期, 能夠有機會再發展事業實應該替佢地高興。

早前我已經在HMV買左NKOTB隻新碟 (但衰在仲未聽); 唔知Jason Donovan隻新碟香港有冇得買呢? 

希望佢地在事業上能再創高峯。