我發覺自己越來越多野, 間房唔夠放, D野開始向個客廳發展! 依家望下在office嘅枱面同書架, 情況一樣惡劣 ~ 鬼咁死亂, 再咁真係招惹病菌, 新年前一定要清理, 同埋抹乾淨先得! 後生細女 (
!!!), 儲埋咁多野唔掉, 成個阿婆咁添!
尋日一個朋友提起, 問有冇興趣租儲物室放D舊野。有興趣嘅, 但小小地都要 $118/月, 將D少用嘅野放左入倉後, 屋企地方一定企理整潔番好多, 但都係返屋企睇下有幾多野其實可以掉左佢, 捐左佢, 或者送比人先, 因為一個月$118, 一年就成 $1,500; 再者, 人就係咁衰, 當你見屋企多左位, 又會買番D新野填番個窿, 即係造就我製造更多野....放野入倉好似只係自己欺騙自己咁。
返屋企反省一下..... 唔需要或已經舊嘅野真係唔好再留戀 ~ 其實有幾多野係會真係成日攞出來睇得架! 呢句自己成日講, 又成日聽人講, "收埋佢先啦, 可能第二時有用"。就因為呢句 "驚世"說話, 收埋無數十年唔攞出來一趟嘅 "珍寶"!!
學我老細話齋, 香港地D地方好矝貴架, 一呎最少值二三千蚊, 唔好用來放唔等駛gee野....有道理, 有道理!! 哈哈哈。
執野, 掉野, 賣仔莫摸頭!!!
嘩，你諗住賣仔呀？ 本人就是租倉擺放雜物，初時家中真係好整齊，但日子一久，回復舊貌，仲多野過以前！ 因就過年，依家每日要執野，勁慘！ 其實最好的解決方法就係買少ｄ無謂野，不過知而行難啊！
ReplyDelete[版主回覆01/16/2009 15:59:00]有仔賣, 有仔賣! 哈哈哈....
吓, 乜原來你都有租倉擺放雜物, 貴唔貴呀? 我另一位朋友揾到一間上門比埋箱你, 你pack好後佢地會黎收, 唔駛自已將D物件運來運去的。講得啱, 最好解決方法係買少ｄ無謂野，或者堅守一個原則 ~ 買一件掉翻一件....不過又係嗰句: 講就易 (我曾經成功過架, 但KEEP唔到)!
我剛才執左一袋唔要嘅野出來呀, 依家枱面少左好多野....心情愉快中....
租倉都幾貴，差不多二百！你就好啦，我仲有排執，仍在悲慘中．．
ReplyDelete[版主回覆01/18/2009 21:26:00]我只係執左公司咋,屋企嘅野仲未開始執呢!!
"收埋佢先啦, 可能第二時有用"
ReplyDelete呢句野已經深深植咗係我腦中..冇得改變....唉~
但近年都有d轉變....其實有d野..擺咗兩三年都未郁過,我會考慮佢仲有冇價值,係咪需要棄置..但呢個決定好殘忍~哈哈
[版主回覆01/18/2009 21:37:00]係呀, 要作出決定真係要下定決心, 唔再想又唔會後悔先得, 極度難呀! 咁你駛唔駛大掃除呢??
我之前都有諗過租倉放玩具，要成四百幾蚊一個月仲要好細地方，宜家買左樓雖然唔駛，但日後應該都會唔夠位囉.....哈哈...
ReplyDelete[版主回覆01/18/2009 21:39:00]嘩, 如果要成四百幾蚊一個月, 真係長遠黎講太大負擔喇, 唔怪得你唔租倉啦。
唉....我同妳都有幾分似, 我以前都儲落好多m&m的公仔, 糖機, 而家掉又唔捨得, 賣又唔知點賣, 仲有好多擺設, 公仔....救命呀!
ReplyDelete[版主回覆01/18/2009 21:43:00]D毛公仔咁得意可愛, 真係唔捨得喎.....好彩我唔儲毛公仔的, 但係我儲波衫, 足球雜誌, 足球紀念品 (祖記的), 又有唔會掉嘅旅遊書, 旅遊紀念品, 同埋關於意大利文同埋普通話嘅study materials.....真係各有無限煩惱呀!!!!
真係儲埋儲埋好多垃圾都唔捨得丟. 結果自己既活動範圍越來越少, 垃圾就越來越多.
ReplyDelete[版主回覆01/18/2009 21:56:00]係呀, 有時諗, 值得留念嘅野, 同埋垃圾可能相差唔遠.....我都唔想因為咁多雜物而攪到自己冇晒空間, 所以明日開始要執野呀!!!
由今日開始..慢慢掃到年29左右啦~HAHA~
ReplyDelete[版主回覆01/18/2009 22:16:00]你好勤力呀, 今日開始, 我前幾日先執好左公司D野, 掉左一袋垃圾, 但仍然努力中, 諗住再執下個書架, 送一D書去圖書館 (因為我收左一堆書在公司呢!!!!!).... 我呢幾日去左camp, 所以都要明晚先可以在家開始正式 "工作", 哈哈哈!!!
我D玩具,同D盒先頭痛,好似喺房舖砌磚牆甘 !
ReplyDelete放棄租倉同你所諗一樣----->當你見屋企多左位, 又會買番D新野填番個窿, 即係造就我製造更多野 ! ha ha.................!
[版主回覆01/20/2009 10:50:00]我前日想掉四五本叫 "古代文明"嘅書時, 我屋企人竟然話, "咁新就掉, 好side喎" (奇事呀!!!), 攪到我收番添...遲D應該將D唔要嘅書, 影低相, 放上呢度, 睇下大家邊個用得著就攞去!
恨下心腸, 黎個大掃除la! 我都儲埋不少垃圾, 玩具, 衫褲鞋, 明明唔用又唔捨得掉, 又不停買新野, 個櫃快支持唔住la!! 諗起都頭痛
ReplyDelete[版主回覆01/23/2009 08:28:00]係呀, 一定要硬起心腸, 如果樣樣都唔捨得, 間屋實成個狗 "豆"!!