呢幾日因為放假, 就執下野, 清下垃圾..... 搵下搵下, 搵番D以前去旅行嘅舊相, 睇下自己個樣, 真係慘不忍睹
!!! 雖然依家個樣都衰, 但以前仲核突! 個髮型最嚇人, 唔怪得呢幾年再見番一D朋友, 佢地好似唔識我咁, 又話可能在街見到我都唔認得喎!! 有D好熟嘅就好明言咁話, "喂 Anita, 你依家個樣好左好多!" (好似嘆息咁添)
本來都唔好意思, 不過覺得有兩張相幾得意, 就攞出來比大家睇之餘順便笑下我啦!
後面個背景係真架, 係一個好大嘅冰川 (Glacier), 唔知大家就咁睇相, 會唔會估得到呢度係邊度呢?? 註: 我地當年D衣著真係老土到爆燈! 救命!! 
呢張放大D都唔驚, 因為睇唔到在下個核突相! 哈哈哈!! 呢度其實係一個幾大嘅峽谷 (canyon), 我地個個都冒住危險, 爬左落去, 就係為影張雄壯英姿嘅相!!! 憑呢張相可能好難估呢度係邊一度。
下面呢張相應該未曾在我呢個blog出現過。比較近期的我呀。
呢個地方應該唔難估啦 ~~~ 冇錯, 呢度就係我 hometown ~~ Torino!! (我都想, 不過唔係真!!) 
我隔離個位就係查斯古特 (Trezeguet) 喇!! 佢個日竟然肯企定同我合照.... 當日冇乜球迷有興趣走埋去同佢影相, 唔知佢係咪唔多受歡迎嘅呢??
No comments:
Post a Comment