祖記2009年3月號月刊

剛才返屋企時, 從信箱見到一本祖記雜誌時, 非常愕然....

諗: 依家唔係啱啱三月咋咩??  平時唔會咁快寄到來, 以為佢地寄錯, 但封面係新的; 望望封面個日期, 冇錯呀, 係 "Marzo 2009" (March 2009).....  再望望隻錶, 都冇錯喎, 今日7號喎, 又會咁快新一期月刊到達!!  好開心!!  如果以後期期都咁快收到就超好喇。

今期封面人物: Tiago!  泰亞高好波, 可惜之前傷左一排, 加上最初同球隊踢法又好似未係好合拍, 所以曾經被球迷鬧到飛起。隨著日子慢慢過去, 相信佢依家已經可以適應得到, 表現進步左, 希望佢往後日子可以替祖記創造更多入球機會啦! 

今期內容有好多講班青年軍, 當然啦, 剛剛贏左 61屆Viareggio Cup!!!  咁威水, 當然要花多D篇幅讚賞佢地啦!!  Forza Primavera!! 

除左呢兩頁海報, 仲有一張大頁海報 (4張A4紙咁大)!!  裡面各位青年軍成員, 唔知各位認識有幾深呢?  當中肯定有好多會成會祖記同意大利國家隊嘅明日之星!!

呢個人 ~ 超討厭, 乞我憎 (好少人可以如此乞我憎)!!!  但呢輪又久不久有入波喎.... 耐佢唔何....

原來四月Torino會有個大型活動 ~ The World Air Games.  如果我當時會在都靈就好囉......

期期都繼續講新球場嘅興建進度....據官方網頁講, 新球場定在 2011年9月開幕, 到時希望又有機會, 會到Torino玩下同可以入新球場觀看新球季嘅比賽就好喇。

封面人物故事主角當然係Tiago!!  原來Tiago鐘意睇 24, Lost同埋 Prison Break架喎.... 記唔記得佢來香港時, 狀態好友善呢?  我都有同佢合照....

Primavera!!  贏左 Viareggio Cup當然極之興奮啦, 仲可以打低去屆盟主 Sampdoria!! 

連納比 (Lippi) 都來觀戰, 除左支持祖記, 可能亦順便發掘一下新人唔定....

看看青年軍晉級過程, 殊不簡單..... 分組賽首名出線, 之後16強對拉素, 要踢到12碼分勝負; 然後8強贏錫耶納, 4強過埋拖連奴一關, 到最後, 決賽擊敗上屆冠軍森多利亞!!  森多利亞青年軍係勁到爆, 佢地在上屆 (2007-08) 一個球季, 基本上贏晒所有意大利國內青年組別比賽嘅冠軍, 所以今次祖記青年軍能夠打敗森多利亞青年軍奪得Viareggio Cup, 真係好鬼厲害, 對佢地在其他大型青年軍組別賽事中作戰, 大大增強信心同動力!!

新人王!  今期介紹嘅係: Giovinco & Marrone.  左邊呢位就係已經踢緊 Serie A比賽, 基奧雲高嘅親弟 Giuseppe Giovinco.  呢位小子只得18歲, 個樣真係好似佢阿哥喎。至於Luca Marrone都係一個 "0靚仔", 因為都係得18歲 (真係18歲, 卜卜脆)!!!  哈哈哈!! 

大佬 "基奧雲高"幫 Nike賣廣告 (乜佢有咁多廣告??).... V is for Victory!  點解意大利人咁興做 "反V"手勢, 代表勝利嘅??  反V在其他一D國家, 係粗口手勢黎喎..... 做錯隨時被人打呀!  小心呀, Sebastian!!

友善的 De Ceglie.... 相中一家三口都係頭號祖記粉絲。

最後唔少得就係 FANS寄去而又被登出來嘅相片喇。只得一張係球迷同球員影嘅, 其他大多都係BB仔或者小球迷。