參觀Vivenne Westwood展覽

今個農曆年, 除左食, 就係約舊朋友見面拜年, 同埋留在家睇碟 (要清貨)!!

除此之外, 做左一樣野, 就係去左英國時裝設計師 Vivenne Westwood在香港嘅時裝展覽 ~ A Life in Fashion。

 

我自己對時裝冇乜研究, 而且要買名牌時裝, 花錢不少, 但呢D時裝往往只流行一季,  過左仲著又被人話out。加上, 有時D衫又過度誇張, 點咁著出街呀。所以我只係買D大路普通衫著。

以前從來未睇過時裝展覽, 朋友提議去見識一下....當然好啦, 見識從來都要做 (何況又免費入場), 唔識多D野好快被時代同社會淘汰的......哈哈哈!!

VW (Vivenne Westwood)係好鬼Yeah嘅英國名時裝設計師, 連佢嘅說話都顯示出佢嘅獨特見解。

 

本來我從來唔識佢D衫係乜東東 style。入場睇下就認識多左少少...D衫真係好唔傳統好型呀。今次展覽嘅展品超過150件, 展覽由英國 Victoria & Albert Museum同香港太古坊合辦; 好多衫係VW私自借出作展覽。

A Life in Fashion展覽係世界巡迴展覽 (World Tour), 展覽嘅城市有：倫敦, Canberra (澳洲首都), 上海, 台北, 東京, Dusseldorf, 曼谷, 三瀋市, 米蘭, Sheffield (UK), 香港, 北京。

 

呢件泳衣非常騎呢.....係咪有D意大利feel 呢?? 

 

呢件工人衫好靚, 做工人有咁靚嘅衫著又唔差喎.....

 

呢件如果要比$買唔知要幾多錢呢??  我好鐘意呢套衫, 仲有頂有長羽毛嘅帽。

 

呢對鞋個踭咁鬼高, 嚇鬼!!!  我著左唔識行喎....

 

呢幾套晚裝好優雅好靚呀....

 

超型!!!