丁點無厘頭...

講人好以好衰格咁, 但偏偏又忍唔倒口添.....

呢兩日, 有一位之前從未傾談過嘅blog友, 數次在我blog留言.....可能你都留意到....

先先佢問我,

"你好,請問你可唔可以教教我點可以係官網度訂波衫,係咪有信用卡就可以,其實我想訂07-08祖雲達斯波衫,加埋自己個名同NO

但我係官網只找到08-09個件,請問你仲知唔知香港邊度可以印到原裝祖雲達斯(08-09 OR 07-08)的字(是印自己名的)"

問題都頗正路, 答左佢。blog友 哈哈笑 都好有心回應佢。

********

之後, 佢以另一位blog友身分留言, 同我講,

你好!,我係XXX,因為我家電腦有些問題唔可以係道留言,所以借了我朋友的ACCOUNT

但我有D關於係祖雲達斯的官網買野唔係好識用, 可唔可以打比我, 教教我,

唔該晒!  Thanks very very much ~~~我電話係xxxxxxxx

唔私人留言, 留埋電話號碼叫我打比佢, 佢都幾 "得意"!  仲有, 家裡電腦有乜問題, 攪到要用朋友個YAHOO ACCOUNT黎留言??!!!  朋友個電腦會log in唔到自已個account架咩???  兼且, 佢同佢個位 "朋友" 完全係新 account, 唔知佢乜頭乜路!!!

講真, 我就唔會打電話比佢, 完全唔知佢底蘊。仲有: 官網訂野有乜難啫??  難道佢從來未喺網上買過野??

跟住, 仲發現佢原來同一時間都 "轟炸" 緊blog友 哈哈笑!!

由於我以前真係未在祖記官網買過野, 所以我答話, "唔好意思, 我從來未在祖雲達斯的官網買過野, 所以幫唔到你。"

********

佢在哈哈笑度留嘅言都好勁 (哈哈笑, 唔好意思, quote左佢留係你度嘅言), 佢話,

xxxxxxxxxx (註: 祖記juvestore網上一件衫嘅網址)

...............買lee件衫...............

.......................係咪要有account, 

...............訂這件衫(66)再加埋運費(唔知要幾多呢)要幾多錢港幣

................................

............落左order幾要多日先收到貨,星期六,日計唔計?

可以add我msn 嗎?因為我怕煩到我朋友了,謝謝你呀!!!

MY msn: xx_xxx_xxx@hotmail.com

大佬, 佢有冇查清楚, 哈哈笑係阿仙奴迷, 問人祖記官方網上商店D野, 人地鬼清楚咩!  。呢位仁兄仲問90幾條問題, 點解佢唔直接 send email 問祖記官方網上商店?? 仲有, 呢個人好懶, 我相信佢想知嘅野官方網上商店應該會有解釋, 佢唔想自己花時間找。 哈哈笑, 佢唔想煩到朋友, 但就想煩你囉!!  仲叫你msn add佢!!!

**************

跟住佢剛才又留言比我,

請幫忙看看這件波衫是否正貨  
http://hk.f1.page.auctions.yahoo.com/hk/auction/1117642735?u=mandylittlecute
請問可以點分D波衫是否正貨 , 我仲印埋名"domonic"
D數字同英文字可以點分係咪正貨,謝謝各位

其實我一開始已經提議佢去波衫鋪揾, 我真係唔識答佢D問題。

我唔係唔想幫人, 但唔知何解, 我一開始就覺得呢個人有D問題, 同埋.....我覺得佢只係想利用人!!!