今期封面係領隊雲尼亞里。唔知張相又冇被 "執"過呢? 因為close-up到咁近嘅雲帥, D皮膚白滑同靚到我唔信...又唔 "巢"皮, 又冇班, 冇乜紋, 火車軌唔算多, 連鬚根都唔勁!! 冇可能...冇可能張相冇被執過囉!!!
祖記新星Ariaudo已經在一隊上陣左幾次 (友賽對摩洛哥, 意大利盃對卡坦尼亞, 同埋聯賽對拉素)。 繼續努力, Ariaudo!!
依....原來有四位球員替 L'Oreal men expert 賣廣告! 佢地係: 保方, 黑面神, 甘莫蘭尼斯, 同埋施素高。[香港都有個代表: 吳彥祖]
嘩下..... 保方在佢31歲生日那日, 開左佢嘅個人官方網頁喎!! http://www.gianluigibuffon.com. 有興趣嘅可以參觀一下。
剛剛我上去睇左次, visual effects做得幾好喎, 但唔知係唔係因此, 個網頁行得較慢 (定係我呢架電腦慢呢)。網頁有意大利文同英文版, 英文版都update得快, 不過咁啱見到一則係英文版未放上去嘅消息, 就係原來2月16日, 保方嘅家鄉Carrara, 有一個球場以保方個名命名! 好犀利呀, 威水!
******* 16.02.2009 - Un campo a Carrara con il mio nome: che onore! ********
今期其中重點係即將舉行嘅歐聯 祖記對車路士 嘅比賽。
仲有詳細文章專訪: 馬治斯奧 (Marchisio)。不過我麻麻地喜歡佢, 都唔知點解.... 可能覺得佢太cool....
好型喎!!
嘩, 馬治斯奧幾多歲呀, 咁快已經結左婚!!
一如以往, 月刊有部分篇幅係講青年軍嘅。今期重點介紹兩位: De Paola同埋Immobile。De Paola剛剛在對拉素嘅Viareggio Cup射入左一球; 至於Immobile, 佢已經上緊位。兩位都來自拿玻里...乜拿玻里出產咁多祖記球員嘅, 遠嘅唔講, 新仔已經有唔少 (Palla, Moli, Vecchione, Crisito, De Paola, Immobile....)。 離遠睇, Immobile有D似 Vecchione, 不過後者就俊D, 嘻嘻 ~~
基奧雲高接受小球迷Chiara嘅訪問, Chiara只得6歲, 住在西西里島嘅巴勒莫附近。
又係球迷相片區!! 又有好多BB FANS嘅相片...另外, 有一張係Moli同兩位球迷嘅合照...我睇Moli真係好友善, 因為差不多每期都有佢同球迷嘅合照登出來, 如果唔係佢咁樂意影相, 邊有咁多合照得ga!!
No comments:
Post a Comment