第61屆Viareggio Cup ~ 青年軍奪冠而回!!!!

非常興奮, 祖記青年軍在昨日舉行嘅第61屆Viareggio Cup決賽, 打敗森多利亞, 嬴得冠軍!!!! 

 

今場比賽, 祖雲達斯以 4:1 大勝森多利亞!!  今次係祖記第六次捧起 Viareggio Cup冠軍獎盃, 對上五次捧盃係: 1961, 1994, 2003, 2004, 2005.  自千禧年以來, 祖記已經第四次在呢個比賽成為冠軍盟主, 確實犀利!! 

又一次證明, 祖記青訓做得非常出色, 球隊擁有強勁, 質素高實力厚嘅 "後浪" (吹噓一下先)!!  名將費拉拿從祖記退役後好似負責打理青年軍工作, 睇來成績極好。

值得一提, Primavera教頭Maddaloni 乃係出自Viareggio呢個意大利城市, 佢係第一位教頭協助嬴取呢個冠軍嘅當地人, 可以在家鄉揚威, 對教頭而言, 意義一定更重大呢。

 

Blog友nedved 冇錯, 森多利亞青年軍龍門Fiorillo果然勁, 據祖記官網報道, 佢成為今屆 Viareggio Cup 賽事嘅最佳龍門, 真有可能有潛質成為保方接班人呢.....

無聊講幾句, 原來1990年1月13日熱拿亞市出世嘅 Fiorillo, 在2007年1月, 剛滿17歲時, 就首次在作客對安玻里意甲比賽中被森多利亞一隊徵召!  而第二年 (18歲) 就第一次代表森多利亞在意甲比賽對里賈納, 下半場後備上陣。 絕對不能睇少森多利亞青年軍, 佢地舊年 (2008年) 嬴盡錦標 ~ 第60屆 Viareggio Cup; Coppa Italia Primavera (青年軍 ~ 意大利盃); 仲有 Campionato Primavera (青年軍級聯賽)!!!  嘩, 痴線架, 咪即係上年乜鬼獎都比佢地攞晒!!!    佩服佩服!!!

 

星期四 (26/2) 凌晨3:45am (香港時間) NOW 671台, 將會有歐聯16強第一回合, 祖雲達斯作客車路士, 希望祖記挾住個剛嬴左錦標嘅好勢頭, 拆爛架藍車!!! 

Forza Juve!!