因為一首 "il mio amico vende il te'" (My friend sells tea), 攪到我近來非常喜歡 Luca Dirisio。佢出道至今, 總共出左3張唱片 (大碟), 我今次在amazon一次過訂晒佢呢3張CD, 不過中間發生左一D技術性問題 ~ 英國嘅amazon只有其中兩張有得買, 攪到我要在美國嘅amazon買埋第三張.... 一句講晒, 花左我多D錢在郵寄上呀。亦因為咁, 發現美國amazon嘅郵費原來貴英國amazon好鬼多, 而且貴得來仲要delivery period長好多.... 有冇攪錯!
唔知大家有冇曾經在amazon買過野? 同一張CD, amazon自己賣要收你 US$20, 但竟然同一時間, 有另一個選擇, 就係買由其他人提供嘅貨。呢D其他人可能係當地嘅唱片舖, 或者係註冊會員所提供嘅二手貨。當地嘅唱片舖所提供嘅貨, 竟然平amazon一大節!! 同埋, delivery period快好多添....amazon幫提供貨源者向你收錢, 收到後提供貨源者就會好快寄隻CD比你。
講左咁耐, 唔知我有冇攪到大家好混亂呢? 嘻嘻嘻~~~
所有CD裡有晒歌詞, 非常方便, 唔駛在網上搵, 再print出來咁麻煩, 幾好幾好。
還有一個有趣嘅事: 原來 L.D.隻手臂有幾個細小嘅漢字..... 個別意大利男人都幾流行在身上紋中文字個喎...卡斯辛奴, 廸華奧, L.D., 仲有在意大利旅行時見過紋中文字在頸, 手臂嘅當地男人。
No comments:
Post a Comment