見到呢篇文章標題, 可能各位估到我想講乜東東...哈哈哈 
今日重陽節放假一天, 不過我並無出街, 因為成個禮拜前我就比我阿娘以接近 "強迫"嘅手段 (哈哈), 要求我今日留在家 "協助"佢自製合桃酥。用協助呢個詞語冇錯, 不過人物位置有誤。事關應該係佢協助我, 而唔係我協助佢....
佢上排買左一D固體油, 佢話要快D用左佢 (咁關我乜事呢??)...我問佢買來做乜, 佢話係諗住做合桃酥; 不過上排佢對眼有D事做左兩個小手術, 最好就唔好咁用神, 於是乎, 就要我幫佢手....咁都得? 但我深知我阿娘嘅性格, 佢一定手痕走去自已做 (如果我唔快過佢做), 所以焗住幫佢喇。
好多個世紀冇親手做 "勞作", 哈哈哈, 都唔知技術會唔會走鬼晒樣喎, 我阿娘夠膽比我挍飛。
將材料搓成一舊後, 先醒起不如影幾張相比大家睇睇個製作過程.....
再分開成一粒粒, 搓完扁後放上焗盤, 塗上蛋黃 (喜愛仲可以放D核桃上去添), 然後放入焗爐焗佢 (大約15分鐘), 至表面金黃色。
焗左5盤, 搓到手都軟!! 好在有阿娘協助, 因為我唔熟手, 最開頭個盤嘅合桃酥樣貌比較難睇D, 做到第二、三盤D合桃酥好似...似番D正常樣貌。
近鏡一D, 影下佢地個樣比大家睇睇....味道 ~ 食得落口, 食唔C人咁啦...哈哈哈...咁大盤, 真係派街坊都得呀 (如果街坊唔怕C的話)!!!! 
真係好大盤，仲好吸引添！
ReplyDelete[版主回覆10/07/2008 22:09:00]如果到星期六仲有 "貨"剩, 比D你試下你有冇興趣??
更係有啦！我真係好謂食！
ReplyDelete[版主回覆10/08/2008 16:26:00]多謝賞面, 哈哈....唔駛等有剩, 依家即刻留低D比你先。
我只係識食，叫我做我就怕了
ReplyDelete[版主回覆10/08/2008 18:25:00]識食係有福的, 唔駛識做啦.... 哈哈哈
好似既得 bor.... 你點處置呢盤合桃酥? 屋屋人食晒??
ReplyDelete[版主回覆10/12/2008 19:41:00]未食晒呀。送左一小盒比我老細 (亦即係我老友), 因為以前我整過比佢地食, 佢兩個女唔駛兩個回合就全部吃晒, 所以今趟要再送D比佢地吃下。另外昨日本來帶左D比一個friend, 不過最後因一D原因冇見到佢, 就轉贈另一老友....老友佢今日打電話比我, 問我點整, 佢話佢兩個仔女同佢個工人狂吃, 所以佢想叫佢工人試下整喎.....所以我諗, 佢地一班人應該食左我D合桃酥後, 冇事冇幹, 唔C得!!! 哈哈哈!!!
如果下次遇啱, 我比一D你試下食吖 (若果你有興趣的話)。
如果剩係睇最尾兩幅..我以為係煎肉餅~
ReplyDelete不過有伯友指導..應該靠得住~
[版主回覆10/12/2008 19:45:00]哈哈哈....乜似煎肉餅咩?? 慘喇, 即係個樣好肉酸添!!! 不過多謝哈哈笑你嘅comment , 我下次要比多D心機改良佢地個樣貌先得。
哈哈哈，點解我要咁遲先睇到上世紀既事！我都好想食！哈哈哈！
ReplyDelete[版主回覆08/17/2011 20:24:00]嘩力高, 我好 surprised你搵得番呢篇文章睇呀, 哈哈哈哈哈哈!!! 我阿媽久唔久都會整野食, 下次有機會一定要請你請一些呀!!