新一年祖記球迷會藉

冇記錯的話, 曾經在一個月前左右在blog上提過, 我嘅祖雲達斯球迷會會藉差不多到期, 之前收到球會會員部通知續會, 我即時在網上續左會藉。

時間一日一日過去 (誇張D講啦), 過左一個月都仲未收到張新會員卡同會員資料, 不過諗住唔好咁快就催促佢地, 因為 "傳統"上佢地都好脂油, 只不過我有D驚佢地好似上年咁, 個地址得一半就寄份野過來 (上次就話好彩啫, 今次唔知係咪又咁好彩ga嘛)。

竟然今日收到佢地份郵件, 真係好開心。我看看地址, 算啱喇。

份parcel嘅size細過上年, 冇左那兩個 球會嘅pins, 不過又多左其它東西喎。

今年張membership card嘅design靚左喎!!  Special members張card係金黃色, 而普通members張card就係藍色。

 

....下面就係我張card, 個5蚊雞遮住嘅...就係小女嘅名....

 

裡面有封祖記信紙嘅信, 大意係話多謝我續做會員, 講話我對球會好重要 (!!), 我將繼續享有好多特權 (!!), 又叫我好好儲起張卡 (咁就真嘅)。而且仲有一樣野... 乜我成為左 Founding Member of Juventus Membership!!  唔知有冇理解錯誤, 封信話: 球會總部個Trophies Room會在特別日子開放, 到時我可以入去參觀喎 (咁筍??!!), 我個名會印在其中一隻獎杯上咁話!!  嘩, 幾時開放先??  講到好吸引喎....不過我相信各位即將會續會嘅你地, 到時都一定係Founding Members。不如我地搵日約埋去總部睇邊隻杯印左自己個名囉??!!  哈哈哈!

除此之外, 仲有兩樣聽落頗 so嘅東西: 1) 可以在網上訂睇祖記球賽嘅波飛 (呢樣超正呀!); 2) 祖記每星期會開放Vinovo嘅Training Centre比會員入去免費睇 training sessions喎 (嘩, 超級正呀!!) (不過呢樣野肯定爭賓頭!!)

講番個parcel, 裡面仲有一D野的...............................

 

嘩, 有一份postcards呀!  用個膠套裝著, 後面黏著膠套開口嘅位置, 有個sticker, 印左我個姓氏喎!!  入面5張postcards, 每張一位球員, 一面係球員嘅樣貌, 另一面就有一D問題遊戲。細心看看postcards, 好surprised呀!!!! 

唔怕話比大家知我姓乜, 不過中文名就...本人怕醜, 遮住下啦....

D postcards幾攪笑, 印左我個名上去。

依家我終於知道, 點解我等左成個月先收到份parcel... 佢地personalise那些postcards, 印我個名上去, 攪咁多野, 又真係需要小小時間嘅。絕對睇得出祖記球迷會那邊的確花左唔少心機時間攪D特別野 "tum"下會員開心。

值得讚賞!!!