祖記8月號月刊 ~ 終於收到喇...

等等等等等...等左幾年幾世, 終於收到本8月號祖記雜誌。但係, 要強調, 呢本係意大利那邊, 在9月1日, 同我講會在5號用 priority post再寄多次本雜誌比我那一本; 亦即係第一那本, 唔知係去左邊度....話唔埋, 過多幾個星期會自己蒲頭。



離譜, 9月中先收到8月嘅雜誌!  雜誌封面係隊長 + 新加盟嘅保臣 (不受歡迎人物)。

目錄介紹今期嘅內容。

今期有介紹新加盟嘅新祖記成員, 包括: 美爾堡, 同埋保臣。

今期專題係講基亞連尼, 有唔少版面呢。

仲有提番祖記佢地個重點 summer training, 今年仍舊係在 Pinzolo舉行, 呢部份文章係以日記形式來記述番佢地多日嘅行程。

雜誌尾部份竟然有個廣告 ~ 係都靈市嘅旅遊廣告喎, 廣告好靚。

最尾個版, 係粉絲寄去雜誌嘅相片....今期, 真係登左我同Palla, 摩連拿路, Vecchione同埋Fiory嘅合照, 正呀。

雖然因為Palla近日嘅事, 令我對管理層好失望, 不過....可能尋晚激氣得滯啦。

我都仍然係 ~ La supertifosa della Juventus (祖記超級女粉絲)!     希望祖記今年無論係聯賽、Champions League或任何大小賽事都好啦, 都一定要爭取最好成績!!!  Serie A冠軍, Champions League冠軍!!