今日因為幫朋友在報紙檔買D野, "順便"見到呢本書, 真係忍唔住 "順便"買左...好彩, 只係 $29。
本人查實好鐘意達文西, 不過應該冇乜同人講過。 今年年頭, 澳門有個為期幾個月嘅達文西展, 咁啱有個 Friend又有興趣去 "馬交", 又想睇達文西展喎 (好難得呀), 所以為左Leonardo da Vinci 過左去澳門玩左兩日一夜添。
呢本非常便宜嘅書, 都幾有內涵喎!! 要慢慢睇先得喇。
如果再有機會去意大利, 希望可以去 Vinci (Florence附近)見識下佢住過嘅地方係點樣。
下面呢本書關於達文西, 內容好有趣生動, 以前在銅鑼灣開益買嘅。原先要賣成 $70, 但大特價, 只需 $25, 即刻買左, 幾日就睇完喇。
講番轉頭, 剛剛買嘅 藝術長廊 ~ 達文西, 只係第一集。跟著嗰幾集都非常正, 包括有Michelangelo (米高安捷盧), Caravaggio, Raffaello (拉斐爾)同畢加索專輯, 正呀。等緊....
Anita, 唔該晒你幫手買本雜誌! 等我下次去香港時再畀錢你啦!
ReplyDelete雜誌係咪有得換老麥軟朱古力批呀? 你換咗佢啦! 不過記得留翻張sticker畀我噃~~
[版主回覆09/19/2008 11:00:00]唔駛唔該, 簡單任務啫...哈哈...下次交比你啦。咁多謝你個朱古力批 , 你唔講我都冇留意原來有批送喎!!
嘩~ 29蚊好抵啊! 仲要係彩頁........ 等我又去睇下有冇先
ReplyDelete[版主回覆09/19/2008 11:01:00]本書有成40頁, 彩色印刷, 只係賣 $29, 出版商點賺錢呢???
I also have bought 藝術長廊! But I have not started reading it yet!
ReplyDelete[版主回覆09/19/2008 11:03:00]你都買左喇, 同我一樣好有眼光喎, 哈哈哈!!
ReplyDelete對達文西我都好有興趣, 本書一早打算買, 聽完你介紹更加要快D買!!
[版主回覆09/19/2008 11:03:00]快D買番本啦, 三聯亦都有得買呀。
咸..... 你既興趣都好多樣化.... 配服.........
ReplyDelete[版主回覆09/19/2008 11:04:00]............哈哈哈................
第一本幾低喎~仲用埋硬皮書面~
ReplyDelete係我對達文西所知範圍就只有佢d畫...同達文西密碼呢套戲
[版主回覆09/19/2008 11:05:00]係呀, 用硬皮書面, 真係落足本呀。我反而未睇過達文西密碼呢套戲添....
我都有買呀! 好少有中文書介紹d藝術家，所以幾吸引! 不過我未必期期買，有我感興趣o既先至買!
ReplyDelete[版主回覆09/19/2008 11:07:00]多謝光臨呀, 我久不久都去睇你個blog的。
我都係呀, 應該唔會期期買, 都係有興趣嗰期先買呢。
多謝你! 得閒多D過o黎!
ReplyDelete[版主回覆09/20/2008 13:32:00]多謝, 好呀, 得閒一定去你處坐下。