祖記大破墨爾本 4:1 (修改篇)!!!

Nedved兄剛剛告知我, 祖記在最後一場友賽大破墨爾本 4:1!!!  太好喇, 終於贏波完成呢次亞太之旅!  剛剛收到料, Now重播, 所以要睇下先....遲d再同大家報道下情況啦...

.............

昨晚睇左場波嘅重播, 雖然一開電視場波已經開始左12分鐘, 睇唔到開場, 而且竟然已經入左一球, 不過冇所謂啦, 有得睇已經好正!

Palla喺場波非常活躍, 另一個踢得非常落力嘅人, 就一定係個黑面神馬基安尼 (但喺Melbourne就笑晒口, 我好想嘔!!)。佢今場踢得好掂, 除左助攻個發瘟歷高達利入左一球外, 自已又在下半場, 竟然頭"除"頂入一球靚球!  個球係Palla在左面傳比佢, 傳得好靚, 益晒佢啦, 但佢好cheap, 入球都唔走去多謝Palla, 自已企喺度同幾位球員慶祝喎!!!

有件事好攪笑!!  Palla第一個入球係馬基安尼搏番黎, 個茂里喺禁區被踢跌, 搏到一個12碼, 由Palla主射, 個波貼左柱入, 慶祝時, Moli走埋去Palla度, 兩個喺度跳舞喎, 好惹笑!!!

下半場加時4分鐘, 以為場波就咁3:1攪掂, 點知加時到3分幾鐘, 比Palla入多粒超靚嘅波, 佢一控即射, 快到顛, 雲帥同所有後備席上嘅職球員都起身拍手掌!!!

終於, 祖記可以在亞太之旅贏波, 咁都好....

個個都咁落力, 當然啦, 祖記剛買入阿瑪利, 又可能簽得成Xabi, 大家再唔有好表現, 必定要被叮走啦!

希望來季祖記可以踢得更好, 當然希望Palla有更多正選踢啦, 成日踢後備, 仲要最後10分8分鐘先出場, 有乜鬼用呀???!!!

 

正選陣容 ~ 有兩個黑面神!  yee... 仲要各有一入球嗰下攞命!!

 

d球迷玩好多花臣喎! 

 

Palla今場表現一流!  希望佢繼續表現優秀!!