多謝一位 blog友
, 她轉載了一段文字給我看:
「如果分手了，還願意維護對方利益，尊嚴並真心誠意祝福對方，甚至，對方有需要時，還願意盡全力去幫助對方，才是真正愛過的人，才是證明了這曾經的情意，彼此的品格！愛的正面不是恨，只有佔有慾的反面才是恨。」
真的好難做到呢! 當你曾經和一個人愛過, 最後因為一些問題分手了; 有多少情況, 是你還可以和那個人仍舊是朋友呢?
而更甚是, 你們不單只還有朋友做, 更能夠仍然 "盡力去幫忙對方".... 講真句, 我就辦不到了。 何解? 因為分手好多時候是雙方已經有段時間很多歧見, 或甚是在未分手前已經曾經不斷口角, 或相反, 大家已經再沒有怎麼共同話題了。當分手了, 更加不會有怎麼原因令我仍然和他繼續聯絡。
雖然久不久, 一個舊人的樣子、一起走過的一些路、一起去過的飯店、一起看過的一齣電影, 會勾起我一小點舊回憶, 但我想, 我並沒有到達一個境界, 就是: "對方有需要時, 還願意盡全力去幫忙對方", 我應該沒有這種氣度, 亦可以說, 我沒有心機去仍然和一個舊人維持良好及長久的純朋友關系。
也許是因為, 仍沒有一個值得我會繼續花時間、花心機去繼續純友誼的過去親密關系。是不是因為我過去的愛情關系都攪到很爛呢? 嘻嘻嘻, 要先檢討一下。
嘗試過很多次但都 upload不到這首歌, 唯有放上這首歌的 weblink....
( http://www.youtube.com/watch?v=Hm1cQlvBTz0&feature=related )
分手後好難話會keep到保持聯絡, 最多咪仲有對方facebook咁~ 不過, 諗深一層, 如果真係對方有事要幫忙, 佢又開到聲, 幫得到都會幫呱... 我咁諗, 唔知如果遇到呢D情況又做唔做到呢~
ReplyDelete[版主回覆08/15/2011 18:46:00]話時話 Iris, 我 FB唔會 add 我嘅 ex, 就連 MSN都 reject, 因為講真, 若然我想完全 close file, 那個人必須要從我的視線裡消失, 可能咁做好絕情, 但咁樣做我就唔駛再想咁多, 諗埋D無謂野, 如果唔係就會始終不能完全放低一段感情。
可能面子問題, 男仔係咪好少會問 ex-gf 幫手架呢? 我未試過有 ex搵我幫手, 但如果我在已經有另一半嘅情況下, 就唔會幫手喇, 始終要考慮到我另一半嘅感受; 而如果對方已經有另一半, 我諗佢都唔應該搵番我, 我亦都唔想瓜田梨下.... 但只係講啫, 到真有呢件事發生時, 又真係唔知應該點做好.....
其實最大既維護,咪就係唔鬼理佢LAW,洗乜扮晒關心人....我覺得,越係關心人,就越代表你放唔低。但好明顯,如果分得手,大家應該有D不可挽救既危機,如果救得就話盡救,救唔到既,KEEP住都無謂.....
ReplyDelete在下會盡量避開有EX既場合,如果要關心,扮晒咁好彩撞到就算,但之後一定唔會再接觸,免麻煩~~~
[版主回覆08/18/2011 19:33:00]你講得又啱喎, 我都盡量唔會出現在有 ex嘅場合, 因為我基本上諗唔到同對方講乜好囉, 難道問佢: Hey, 呢排點呀, 依家有冇拍拖呀? 結左婚未呀, 有幾個仔女嗎? 唉, 我真係零興趣想見 ex, 更加零興趣問呢種問題 !
不過我真係識一D朋友, 同以前嘅 ex 係好和平氣氛下分手, 仲有朋友做, 其實係好事, 不過就暫時未發生在我身上