2008年10月號月刊

其實本雜誌成兩個星期前已經收到, 不過一直未同大家介紹。雖然依家剛剛開始11月, 但新一期未出現, 就講講10月呢期啦。

雜誌寄到來時, 有少少 "巢", 加上我放在袋內, 攞出街搭車時睇, 所以攪到更 "巢"更 "梅"。

今期封面人物同專訪人物係尼維特。佢剛剛上場比賽梅開二度。

今期內容在 Contents Page一目了然。

我最感興趣係呢個報道 ~ 原來都靈市開左間新嘅 Juventus Store, 地點在 Lingotto新 shopping mall內。Lingotto區係我仍然未去過嘅新區。上年冇去到之後, 話今年要去; 但今年前後兩次去都靈, 都仍然冇過到去, 咁下次我一定可以有好藉口過去行街喇!!  Lingotto有巴士、地鐵到達; 而坐火車的話, 都係好快脆。

之前忘記在遊記講, 機場那間Juventus Store已經沒有了....我上年去時, 有幸去到。唔知那位超好人售貨員會唔會去左呢間新舖做呢??

至於Lingotto間新舖, 據介紹, 有好齊全嘅貨物, 而且仲有一個區, 由剛過去嘅10月開始, 每逢有比賽進行, 會有大電視播放比賽, 到時球迷可以聚在一起睇波同埋支持球隊, 聽落好正喎!!

舖頭每星期二至日: 開 10am-10pm, 而星期一: 開2pm-10pm。開舖時間都算很長, 因為市中心那間Juventus Store係7pm就關門的。

球員們為官方影靚相。今期雜誌就係送巨型海報。一面係全體職球員著晒老西嘅合照; 另一面就係大家著晒醒神靚波衫的大合照。

隊長那對皮鞋 ~~ 大家睇睇個底 ~~ 係祖記個 logo呀!!  連鞋底都印住祖記 logo, 果然勁呀!!!

仲有隊長拿住張 membership card玩一餐 (右上角那張相)!!!

專訪內容嘅主角人物當然係尼維特。

雜誌尾部份: 小球迷訪問靚仔新星 De Ceglie (廸切尼)。廸切尼在位置上可謂係摩連拿路競爭對手。

各球迷相片登上雜誌....幾時又有我地香港粉絲嘅相片亮相呢??