2008年11月月刋 ~ 基奧雲高封面

今期本雜誌又遲左先到達....好彩呢排唔係太得閒, 唔係等呢本雜誌等得更心急呢。

新人基奧雲高做封面。佢被喻為隊長廸比亞路嘅接班人, 希望佢真係可以接倒棒啦。

今年基奧雲高回歸祖記, 在隊中係著 20號球衣, 個人來講當然唔開心啦, 因為呢個號碼本來係屬於 PALLA嘛.... 不過無論如何, 一定祝基奧雲高在祖記發展順利, 為球隊奪得更多榮耀。

今期內容包羅萬有, 除左基奧雲高嘅專訪外, 仲有: 關於祖記主場廸爾艾比球場重建。重建後, 祖記就會成為意大利國內第一間可以完全擁有自已球場嘅球會, 好野!!! 

我要特登影呢頁出來.... 呢個黑面神, 有日與祖記會員在網上傾計。睇下佢個樣....在鏡頭面前何其笑容可鞠!!!  (但真係想反胃)!!!

基奧雲高嘅專訪, 篇幅都唔少。

雜誌呢個部份, 令我兩眼發光添....叫 Timeout嘅部份, 回顧番祖記嘅歷史。

發光嘅最重要原因, 係因為有一part係講祖記好多年青球員, 現時效力熱拿亞, 替加斯柏連尼賣力, 其中當然包括 PALLA同埋基斯薛圖 (仲有史古利, 加斯巴朗尼等)。

仲有就係每星期都有嘅: 小球迷訪問球員一環, 呢期被訪球員係: 沙歷咸美斯。

當然仲有就係球迷寄去雜誌嘅相片, 又有個黑面神份。