遠足記

雖然尋晚因為睇祖記對阿仙奴場酋長盃足球比賽, 攪到成點幾鐘先瞓覺, 不過今日朝早做左件近來比較有益身心嘅事情, 就係走左去行山。

自從去完旅行返來, 天氣先係大雨不停, 由祖記來香港之後開始, 足足落左個半月咁滯。之後, 天氣就變得非常咁熱, 唯有放棄遊山玩水呢個絕佳活動。本來諗住今個夏天要學識游水, 但奈何皮膚敏感, 呢個美夢又要順延實現....

雖然呢排仍然好熱, 不過叫冇咁潮濕, 所以一定要出動 "lan"街!!

由薄扶林附近行上山, 行個大運, 去番置富花園落番山, 中途經常停低欣賞風景, 影相, 睇花草, 行完全程都係2個鐘左右。唔知個肺有冇吸多左新鮮空氣呢?  用左幾多卡路里呢??  不過行到最後, 發覺右腳開始痛, 因為跟模炎嘅位置又好痛番添。唔怕, 忍下先。

 

上到山上邊少少, 望番落去, 南丫島就喺對面。

 

行行下, 見到樹, 樹上有個大樹波羅 (相最中間位置)。本來我唔知乜野叫大樹波羅, 依家知喇, 又真係好大個喎, 不過未熟的。

 

好大一棵樹, 上面有油甘子 (都係第一次知油甘子係咁嘅樣)。據講油甘子好好, 不過...我依家唔記得點好囉!

 

石屎路, 唔難行。我本來想晒黑D, 所以特登唔戴帽 (不過有搽防晒, 同戴黑超保護對眼), 但行左冇10分鐘已經被蚊狂蛟左幾野, 被迫要著防禦裝備, 真係超老土!!!

 

我地頭一帶 ~ 呢度係鴨脷洲東、西邨同海怡半島。

 

呢度最正 ~ 望海及南丫島一帶。

 

華富同華貴邨, 再過少少就係數碼港。

 

香港仔、黃竹坑及鴨脷洲一帶, 離遠望到海洋公園, 仲可以見到條長長嘅登山電梯 (可惜呢張相睇唔清楚)。

 

原來個亭有鐘 ~~ 以前我都冇留意乜原來山上嘅亭係有鐘的。 行左咁耐, 都係9點喎!

 

有冇人咁鬼得閒, 行山帶埋架單車呢?  真係唔怕重咩??!!

 

數碼港、置富花園同薄扶林花園一帶。隔左個海, 對面唔知係咪荃灣呢??

 

山頂喺上面咋, 不過今次唔係上山頂, 留番下次先上去啦。

 

呢朵花好得意, 所以影左佢。

 

之後, 因為架相機冇晒電, 影唔到相。 渡過左非常有意思嘅一朝.... 幾好。出左一身汗, 自己想 ,"今日應該排左唔少毒掛".....諗下下次行邊度好先......