祖記回信...

六月尾時, 卒之的起個心肝, send左個e-mail過去祖記。send比佢地一張我同Palla, Moli (摩連拿路), Carlo Vecchione同埋另一位祖記青年軍一齊影嘅合照。

官方雜志每期在最後個版都會有球迷同球員影嘅相, 又或者係全部都係球迷自已供應出來的。

我覺得個idea好好, 因為可以睇到球迷同球員歡樂合照嘅喜悅, 好有一家人嘅感覺, 好有意思。能夠見到喜愛嘅球隊同d球員, 仲可以合照到, 真係好講緣份 (老土d咁講)!

祖記5月來香港時, 我同幾位blog友, 都有幸同d球員都影左唔少相。 所以我諗不如都寄張相過去, 睇下佢地係咪真係會登上雜志先!! 

send左張相後, 見冇動靜, 都唔知究竟祖記雜志嗰邊有冇收到....點知今日收到佢地一位職員回e-mail喎!!!  呢位職員有份來香港, 根據佢個名同佢自已嘅形容, 我可能同佢傾過計 (不過又唔係好肯定呢)。 佢話跟著呢期會登張合照出來呀, 正呀!  咁我要密切留意先。另外, 佢講我知嗰個我唔知叫乜名嘅青年軍嘅真實姓名。仲有一樣野, 佢叫我留意下即將有我同馬基安尼合照嘅相會出現在雜志內....依, 咪出左囉!  6月嗰期已經出左囉喎, 我諗佢係講個兩張相,除非又再有新相啦.... 如果可以, 不如放多兩張我 (我地各位)同其他球員/職員 (尤其係Palla, Moli, Tiago, 或者Edwin, Daniela啦)嘅合照啦。

各位有冇興趣寄你地同球員嘅合照過去雜志呢?  可以留作美好回憶, 亦等多d世界各地祖記球迷知道香港有好多fans!  仲有呀, 到時你最喜愛嘅祖記球員可能都睇呢期雜志, 見到你地個歡欣樣呢?

有興趣知道佢地e-mail address同其他資料, 以便寄相過去的話, 話我知啦!!! 



6月號嘅祖記官方月刊