除左足球消息以外, 唔知各位呢幾日有冇留意第二d嘅體育新聞呢? 昨日在荷蘭舉行嘅歐洲游泳錦標賽第七日賽事, 有一位意大利女游泳選手 - Federica Pellegrini, 以破世界紀錄嘅4分01'53秒奪得女子400米自由泳金牌!! 
因為覺得佢個名同個樣貌好熟口面, 好似喺祖雲達斯網頁定係官方月刊雜誌見過佢, 所以 "炒"番d雜誌黎睇下啦, 果然, 搵左陣, 搵到d野!! 
在2007年12月份嘅祖雲達斯月刊裡, 有一個關於Federica嘅專訪。生於1988年8月5日, 只得19歲, 來自維羅納(Verona)嘅Federica, 係忠實嘅祖雲達斯球迷，由佢嘅祖父母開始，已經開始支持祖雲達斯; 而佢話佢自已同佢亞哥/弟弟 (brother), 就由小孩時代開始已經係祖記fans!! 
呢個專訪有四版，我剛剛"納"過下，可惜d字太深, 要有排查字典!!
Federica下一個目標就係今年嘅北京奧運。祝Federica好運, 再替自已、意大利同祖雲達斯爭光。
No comments:
Post a Comment