收到今個月份 (3月)的祖記官方雜誌。
我都預左係咁上下時間收到的, 冇特別遲收到，太好喇。其實差d唔記得今期本雜誌, 因為呢排太多野處理....今期係查斯古特做封面人物，而重點亦係佢嘅專訪, 仲有送佢嘅大poster添。
打開雜誌第一頁，就係某些球員幫贊助商 New Holland賣嘅廣告, 出現在下邊個廣告的球員 (由左至右): Nedved, 伊亞昆達, 摩連拿奴, 沙歷咸美斯 (坐在起重車內), 領隊, 基亞連尼, Palladino (企在藍車上), Trezeguet, 同埋隊長廸比亞路。
雜誌內其實有幾張 (好似3張)New Holland嘅廣告， 全部唔同款，唔同鋪士的, 亦有其他球員出現在廣告之內，好有心思!
祖雲達斯另一贊助商 - Birra Moratti (Moratti啤酒)在雜誌內的廣告, 佢地最新產品係標榜 100%啤酒, 0%酒精的新飲品....乜0%酒精都可以叫啤酒的?? 原來係飲品只含有少於0.05%的酒精 (就好似幅圖所講, 得一滴咁多嘅酒精!!!
早排, 祖雲達斯球會在都靈國家電影博物館(在都靈地標建築物 La Mole Antonelliana內的)有一個類似甚麼回顧 Gianni Agnelli生平嘅展覽, 非常多勁人出席活動, 包括廸比亞路, 納比同埋法拉利車手 Kimi Raikkonen。
內裡有d花絮報道, 前排, Belardi同馬基安尼被邀請參加一個在都靈市中心Juvestore舉行嘅枱上足球比賽 (祖記官方網站上都有報道過的)。
查斯古特嘅專訪有好多篇幅.....
雜誌最後亦有小朋友當記者訪問球員嘅專欄 ("A tu per tu")，今期被訪者就係摩連拿奴。
聽日坐低慢慢睇下本雜誌先......
果張有鏟泥車好正 ! 唔知渣鏟泥車係邊個呢 ?
ReplyDelete[版主回覆03/23/2008 02:05:00]等我影晒今期本雜誌嗰3張New Holland嘅廣告，在另一網址談論一下....
你好厲害, 請教一下如何訂到這本雜誌? 是全意大利文的嗎?
ReplyDelete[版主回覆03/25/2008 17:43:00]唔敢當, 有乜鬼厲害!!
本雜誌, 如你所講，係全意大利文的。你如果想訂, 可以上祖記官方網址 ( http://www.juventus.com ), 在英文version裡，homepage那頁, 大約應該左下角, 找出Hurra' Juventus (這是雜誌名稱)的column, 呢排就係查斯古特的樣貌, 你click入去, 佢有demo幾頁今期的內容, 睇到最後, 有條link, 好似可以去到總代理本雜誌嘅書社個網址, 你click入去, 應該可以找到訂閱手續的。
不過其實幾老土, 就算你開左佢張order form, 我冇記錯, 成張form係意大利文!!! 你填完張form, send出去, 好快 (好似1-2days)就收到confirmation的。好處係間總代理的員工很好人，很負責任，但我唔知佢地識唔識英文, 因為我試過等唔到雜誌, email佢地, 我用意大利文查詢的 (因我識少少意文), 佢地幾個鐘頭就reply我。
你都試下訂本雜誌吖!! 都幾好睇, 唔識睇字咪睇相囉, hee hee...
多謝, 我會去看看
ReplyDelete意大利文難嗎?