Sunday, August 15, 2010

北京美食 + 刺激玩意!

今次去北京, 除左參觀景點外, 就係一日食到黑, 食到真係飽到行唔到咁滯!  經過5日以來係咁食, 我個friend重左2kg!!!! hahaha!! 但好奇怪, 我竟然冇肥到乜滯, 可能因為呢幾日, 我比佢行得更多, 消耗多d卡路里!!






查實呢次旅程最得意嘅, 並唔係食同玩, 而係做左一件事情....就係一種西藏療程!

原先我係去做body massage, 但佢地問我有冇興趣做乜鬼西藏火療, 我有d興趣嘅, 問佢地痛唔痛, 佢地話唔痛, 仲講左點好點好, 於是我就去試喇。

就係用裡面嘅藥.....






在我肚上邊鋪左張毛巾, 又放左d繩之類嘅物體....跟著......






原來在我肚上邊點火燒喎!!!!!  見唔見到d火呢?  當我覺得好燙時, 要話佢知, 然後佢會攞開張毛巾一陣, 再繼續呢個過程。持續左大約5分鐘。據講呢種療程係速進血液循環。除左做肚外, 我仲做埋背添!! 做背時我真係有d驚, 事關好驚背著火睇唔到呀。事後我諗番, 覺得自己好大膽, 比個背同個肚人地絞飛!!!






唔知有冇朋友做過呢種野呢? 我覺得做完個背同個肚又幾舒服咁喎, 但係真正有幾有效, 唔知......

講完我個北京之旅喇, 可以快d返去繼續寫埋我個葡萄牙之旅先得,

Posted by at
Labels:

4 comments:

  1. Dull15 August 2010 at 20:11

    ta, 嘜你去咗北京呀??
    呢個西藏療程有嘜工效呀?? 係咪可以減肚腩呀??
    不過你真係好大膽.  如果俾著我, 我真係唔敢喺大陸試呢 d 嘢, 容嘜易俾佢燒鬼死咗架~~
    [版主回覆08/15/2010 23:28:00]係呀, 去左5日北京!!  個邊天氣好爽呀, 一d都唔潮濕, 又好天!!
    哈哈哈, 我都覺得自己超大膽 !!  比著平時我一定唔試, 不過因為那個旅遊區是外國人同埋旅客比較多嘅區, 間舖頭比較正統同埋好正路, 所以就搵左個背同個肚佢地絞飛!!! 查實我先做個背, 又唔知佢原來會點火 (因為我聽唔得晒佢講嘅普通話), 所以當知道有火在背時已經太遲喇...!!  但唔知點解, 做完覺得個背好舒服, 所以又做埋個肚。據那位師傅講, 呢個療程可以速進血液循環, 新陳代謝 (信則有啦 )

    ReplyDelete
  2. nedved16 August 2010 at 02:16

    有無去王府井?個度好多野食....推介你試飲豆汁!
    [版主回覆08/16/2010 07:41:00]有去到呀, 另一邊應該係東華門, 係嗎? 噢, 我唔知有豆汁飲添, 你仲記唔記得在王府井上嘅邊間舖呢? 如果一早知就好喇, 一定去試

    ReplyDelete
  3. iris17 August 2010 at 16:05

    哈哈, 真係刺激喎!!! 你好勇敢呀!! 會唔會就係你比佢燒一燒burn左d脂肪所以冇肥到呢?
    [版主回覆08/17/2010 22:01:00]唔知咁樣燒一燒係咪真係幫到忙, 可能係呀

    ReplyDelete
  4. 小Nel24 August 2010 at 22:23

    嘩！嘩！嘩！你同呢度既中菜飯店炸雪糕一樣噃！勁呀！你咁瘦，邊有肚腩呀！ 我好有興趣買你食橙喎隻碟呀！要嚟係呢度開飯，份量多極有限呀！
    [版主回覆08/25/2010 23:25:00]我當然有肚腩呀, 仲唔細添呀...
    個碟幾靚呀呵?  我都鐘意呀!!!  不過d野食多晒落集碟, 份量真係有限呀!!

    ReplyDelete

Subscribe to: Post Comments (Atom)