現在返回以往的工作崗位, 可以過番比較穩定嘅生活, 同埋可以在晚上空閒時間做運動, 實在很好。從上星期一開始, 我去左一間叫 Versus Performance嘅gym house, join左一個運動package - 可以參加BJJ, kickboxing, MMA呢幾個都叫幾劇烈、好消耗體力嘅運動。
唔知各位有冇參加過呢幾種運動呢? 呢個BJJ (Brazilian Jiu Jitsu), 我一星期只係join一日, 每次一個鐘, 但已經差唔多攪到我半死
! 我尋日玩完一個鐘, 已經覺得對腳好鬼痛, 但今朝開始, 更加大鑊, 我對腳酸軟到不能形容呀! 係全身好似被人打左一身都唔止那種!!! 我pat pat對下一路到腳版都好鬼辛苦, 連行路都痛呀。仲要咁啱今日要行左幾次長樓梯, 我差唔多"第"唔起對腳咁滯。我全日在公司行路, 係 "seen"住行架!! 我有d同事問我係咪整親腳添。
上個禮拜我第一堂玩時, 都冇咁辛苦架, 我仲諗: 依, 都唔難喎! 痴線, 尋晚個堂簡直係人生極限, 淨係做 kneel down然後再抱對手對腳嘅動作都做左40-50下, 做到我唔識起身!! 雖然咁辛苦, 但我覺得呢個運動好有意思, 因為如果現實生活唔好彩被attack (死, 唔記得中文字點寫!), 可以學到有乜動作可以作為自衛之用。可以話比大家聽係, 玩呢個活動要有心理準備, 就係要同男士打埋一齊, 因為根本玩嘅女仔唔多, 得我一個咋 (不過好開心尋晚帶左一位女仔朋友去試玩, 但佢話太激佢應該唔繼續, 哈哈哈)! 不過我都唔介意同男士對決嘅, 因為大家純練功, 我唔諗人家 "搏檬"...因為大家玩到氣來氣 "chuen", 打到飛起, 對方邊咁得閒搏我檬得架, 同埋我又唔係李嘉欣呢!!! 若然有靚仔肯被我搏檬我又唔駒呢, 我有著數添呀, 哈哈哈哈哈哈!!!
不如大家睇睇有冇興趣學吖? 有話我知, 大家一齊做運動強身健體呀!!! 祝大家身體健康先!!!!! 
And I have to put the following BJJ technique to share with you all too. An awesome technique shared with me first by Hugo. Muito obrigada!
!!
