雖然呢排世界杯舉行中, 不過球會嘅轉會活動就在火熱進行中, 有關祖記嘅球員轉會消息都幾多下, 從網上見到很多單消息, 或許可以趁呢幾日冇世界杯比賽, 講一下已經証實, 同埋傳言 (資料來自Football Italia網上新聞):
1) 仲以為Crisito (基斯薛圖)會返祖記, 點知轉個頭, 已經confirm佢來季完全屬於熱拿亞了.....可惜可惜... 下一個將會係Palla嘅前途, 睇怕都係留在熱拿亞了。
2) 經過6個月從Udinese外借過來用之後, 祖記決定唔會買斷Candreva, 佢會重返烏甸了。又一個可惜!!
3) N年前已經傳, 話基拿甸奴會過檔祖記, 依家又再次有呢個消息, 不過講真, 呢位基生踢球會就得, 踢國家隊就垃圾非常!!!! 但祖記已經成堆前鋒, 唔知佢如果真係加盟, 會成為第幾前鋒呢??
4) 默西斯....佢都係祖記嘅目標之一? 但呢個法國仔燥底架喎, 食紅牌多過食飯喎, 哈哈哈!!
5) 華加斯 (Vargas), 幾正呀, 不過我懷疑成事機會有幾大, 因為費倫天拿肯唔肯放人係一個好大問題 (費倫同祖記係世仇)!!
6) Marco Motta - 據報話已經接受外借祖記嘅安排, €500,000/year 外借費, 之後可以有權比Udinese500萬歐羅買斷佢。
7) Fabio Coentrao (干查奧) - 呢個, 我buy!!! 葡萄牙中場國腳, 今屆世界杯踢得好好, 助攻助守, 但賓菲加即刻加價至3,000萬歐羅, 仲要有拜仁一齊爭添.....
8) Bonucci - 呢個已經confirm左, 會來季由巴里過來, 希望祖記後防有救啦!!!
只得一班球星都未夠, 如果領隊冇料都係死, 所以要開季踢落先知會點....祖記, 希望你唔好又令我地失望啦!! 
No comments:
Post a Comment