後加: 尋日祖記對漢堡友賽嘅片段
我在自己facebook都提過, 祖記已經出左新一季球衣嘅款, 我當時一見到呢幾件衫, 第一個反應係嘩左一聲
...因為...
嚇死我, 點解今季嘅作客, 同件葡萄牙國家隊作客球衣咁鬼似樣嘅????????? 
我將件 "葡萄牙國家隊作客球衣"放在下面第二張, 大家再比較一下, 覺得似唔似呢???
最驚訝係今季祖記嘅作客主色都係紅 + 綠!! 連件龍門球衣嘅袖都係一邊紅, 一邊綠。唔知同 sponsors都係Nike有冇關系呢??? 我一定買硬那件作客, 不過未決定會印邊個嘅字....最衰Candreva已經走人, 又唔想成日都係印隊長咁悶, 如果有Palla就好啦....或者我會印Chiellini or Marchisio.... 
後加: 尋日, 祖記同漢堡踢左場友賽, 賽果0:0, 祖記球員著嘅就係呢件新嘅作客球衣喇。
今年件波衫好鬼差下喎，其實你話點解差唔多，係因為宜家D大牌子設計好一個款後，就不斷用返哩個款，無論國家隊定球隊都好，換個Logo又係一件新球衣，例如前幾年既曼聯同日本既浦和紅鑽，只係唔到少少，基本上係一樣既....
ReplyDelete[版主回覆07/19/2010 09:09:00]真係架? 嘩, 攪錯呀, 懶得緊要喎, d設計咁接近, 冇晒特別! 我如果唔係因為鐘意葡萄牙隊, 我都會覺得呢個設計痴線, 試想想如果下季, 祖記件波衫又同某一個國家隊甚至另一支球隊好似, 真係不堪設想!!!
我最鍾意的祖記球衣是多年前那件粉紅色的作客版！哈哈... 粉紅色真係好靚 ...
ReplyDelete另外，我想買今屆世界盃的意大利球衣，你覺得現在仍然可以買到嗎？有沒有什麼舖頭介紹？
[版主回覆07/19/2010 13:49:00]那件真係好特別呀, 但我當年都冇買到, 如果可以買得番, 我都想買呢 !! 今屆意大利球衣, 應該都買到, 我去開一間叫自由球嘅舖頭買球衣, 但可能你想印嘅球員 number & 字就未必仲有....如果你想要知我可以先幫你問下有冇貨, 我同佢地都ok熟的, 嘻嘻嘻!!
係呀... 我同個朋友都想買返今屆世界盃的球衣，至於印名方面，我當然想印我至愛的迪比亞路啦~~ 不過今次他未能入選，印他的名字又好像怪怪的！暫時我最想要的是森保達or派路！
ReplyDelete[版主回覆07/22/2010 00:29:00]咁又係, 印隊長好奇怪, 因為佢今屆都冇得踢....但仲有冇意大利嘅球衣真係好難講, 你快d去問啦, 因為我今日啱啱問一位在自由球工作嘅朋友, 仲有冇葡萄牙今屆世界杯嘅作客波衫, 佢話冇晒喇...
你地話果件粉紅色係未一百週年果件呀？我有呀，不過我唔捨得著，著上身又好怪，太粉紅了。
ReplyDelete[版主回覆07/25/2010 22:43:00]我唔記得係咪100週年那件, 我覺得我嘅記憶力真係非常差, 哈哈哈!! 我都後悔冇買到件粉紅色作客, 咁有紀念價值....的而且確男人著呢件就幾奇怪的...