不過講真, 今期嘅內容係有D悶....
封面人物係: 新任教頭 Ferrara (費拉拿), 費拉拿確實非常有型....比起以往祖記嘅教頭更有型呀。
好奇怪, 今期冇中間大poster嘅......整張Canna或者Diego都好吖....
一如之前兩個暑假, 今年嘅暑假, 祖記都係去左Pinzolo練兵。一樣有咁多粉絲撐場的。練兵由7月9日至21號, 即係仲有兩日就玩晒喇。
隊長來季將會係連續第17個球季效力於祖記 (乜有咁耐喇咩??)。經過左600場代表祖記比賽, 踢入超過250球後, 唔知佢有乜新目標呢? 希望係Champions League 冠軍啦!!!
有一小則關於Canna嘅報道, 不過我未睇, 所以未知內容。
另外係, 原來Pessotto上年出左一本書 (書名: La partita piu' importante), 近日, 佢以呢本著作, 在一個文學比賽中 (Literary Competition)贏左一個獎。嘩, 乜原來佢寫野咁勁!! 恭喜晒Pessotto!!!
球場重建...仍在進行中。
今期人物介紹, 係超型嘅教頭: Ferrara!!!
佢嘅舊照, 包括佢以前效力於Napoli....個樣都冇乜變過, 厲害...唔多老嘅!!!
至到佢掛靴前效力於祖記嘅舊相....大家唔知記唔記得佢2005年暑假都隨祖記首度到訪香港呢?
教頭篇文咁長, 有排我都未睇晒...之不過我就第一時間, 睇左 "A tu per tu"版。今期呢位小球迷認真發達, 事關可以同 Nedved合照, Nedved仲同佢疊晒膊頭, 正啦!! 小球迷叫 Michele來自Ferrara (Buffon家鄉??!!), 只得9歲。佢問Nedved幾時開始踢足球, Nedved答佢, "sono nato con il pallone tra i piedi" (我一出世就有個足球在我對腳中間") (I was born with a football between my feet)!! 咁攪笑嘅答案!!!
小球迷屋企一定好有米! 事關佢阿爸阿媽買左 season ticket比Michele, 又有去睇歐聯比賽,仲要係坐第一行! 另外佢對比賽見解多多, 唔知係咪大個都想做祖記教頭呢? 哈哈哈!!
如常地, 祖記球迷send去嘅照片, 部份被刋登出來。
No comments:
Post a Comment