葡萄牙 Lisbon (3) - Sintra (Quinta da Regaleira)

我嘅電腦似乎又有問題, 真係煩惱, 剛才開左好耐先攪到上網, 如果再係咁, 真係可能要買過部新嘅.....

現在盡快趁仲用到時, 將旅程嘅點滴寫快D先!!!

今日從首都 Lisbon搭火車來到一個好出名嘅小鎮Sintra。Sintra在1995年已經成為 UNESCO World Heritage Site了, 從13至到19世紀, 葡萄牙嘅國王就會來到 Sintra嘅夏宮過暑假。雖然離開首都 Lisbon只要大約30分鐘嘅火車車程, 但Sintra與 Lisbon嘅感覺絕對唔同! 一來Sintra到, 就好似進入左仙境一般, 因為整個 Sintra都建有不同嘅 palaces, gardens, castles等等。好多遊客會選擇從 Lisbon來 Sintra作一天遊, 有個別遊客就會住上一至兩晚。

上次去Sintra時, 我選擇左參觀 Sintra其中一個最多遊客去嘅 palace - Pena Palace (詳細請看 葡萄牙之旅 8 - 遊 Sintra!), 但上次真係異常失望, 因為天氣唔好, 上到 Pena Palace非常大霧, 簡直同冇參觀過差唔多!

今次重臨, 雖然好想再賭 Pena Palace, 不過想清楚後, 覺得不如去參觀鎮裡嘅另一些我未去過嘅地方更好, 所以今次選擇參觀:

Quinta da Regaleira (Estate of Regaleira)

從 Sintra火車站步行大約15分鐘左右, 就到達我目的地 Quinta da Regaleira, 沿途風景不錯, 綠樹林蔭, 空氣清爽怡人。

步行途中會遠見到 Palácio Nacional (National Palace), 呢座昔日嘅 royal palace, 最突出嘅係佢嘅兩座大煙囪  !

除左翠綠嘅樹林, 仲有充滿藝術氣氛添, 因為沿途有不少藝術品擺設!!

不知不覺間, 就到達 Quinta da Regaleira喇!! 離遠已經見到宏偉典雅嘅建築!

付錢入場時, 職員會給予一份頗清楚嘅地圖, 指示遊客去遊覽不同景點。呢度範圍實在好大, 景點種類又多, 最理想要起碼花上3個小時先可以遊覽全部地方!

 

Regaleira Palace

從 palace走廊望出去, 可以見到estate, 係咪好大呢?

我最鐘意嘅 azulejos呀 !!! 呢條樓梯可以經旁邊嘅閘出番 estate外面的!

Estate裡有好大嘅公園以及小路穿梭其中,  沿路有唔少設計古雅嘅長石凳。

好大嘅漁池...estate內隨處可見職員打掃地方, 環境保持得非常清優。

Estate內有唔少 tunnels, 真係好特別好有趣!

The Regaleira Chapel

登上 Regaleira Tower, 可以遠望 Quinta da Regaleira, 以至 Sintra的景色, 因此呢個絕對係唔可以錯過嘅景點呀!

Water Fall Lake - 呢個係我最印象深刻嘅地方, 因為入左個洞竟然會去到一個天井, 仲可以一路上頂部的, 實在好神奇呀!!

一路行上井頂部望番下去, 頭先嘅井底已經好遠喇!! 那班學生都已經離開了....

Quinta da Regaleira 係一個絕對不能錯過嘅地方, 如果來 Sintra, 一定要盡量抽時間來參觀, 如果唔係一定會後悔呀, 哈哈哈!

行左 Quinta da Regaleira幾個鐘之後, 實在好肚餓呀! 係時候要離開了, 行回去 Sintra town center, 搵野食醫肚!

呢間係 Sintra鎮最出名嘅 cafe。

來到 Sintra, 又來到 Piriquita Dois Cafe, 當然要點食 Sintra最出名嘅食物 - queijadas (細圓的蛋糕仔) & travesseiros (長方形的糕點), 再叫了杯鮮榨橙汁。

見有時間剩, 在 Sintra town center周圍行逛一番。

Sintra還有一樣食物都好著名...係乜呢? 就係呢間舖頭裡所賣嘅野喇!!

呢間舖頭有好多唔同味道嘅 jam!

葡萄牙傳統朱古力, 成把遮咁的!

唔少得就係呢樣喇!!  Ginja in chocolate cup!! 1 euro/chocolate cup, 其實係一個好細嘅用朱古力造嘅小杯, 倒入ginja酒, 首先飲一半那杯酒, 剩下嘅一半就會酒連小杯一次過放入口食左佢!

呢一日嘅 Sintra之旅實在玩得好開心, 又睇又食又飲, 最神奇係: 在遊覽 Quinta da Regaleira時識左一個外國朋友, 又在 cafe見番一個我認識嘅人!

穿梭葡萄牙/意大利之旅 2011 - 待續!