葡萄牙 Leiria

今日原先係計劃去一個地方參觀嘅, 但因為根據天氣預測, 應該會落大雨, 咁就唔掂啦, 於是我決定臨時改目的地, 改去第二個地方......

見到呢種天黑黑嘅情況, 真係好擔心, 不過上天都算待我不薄, 是關我來左葡萄牙咁多日, 都係臨到就快完成旅程先來天氣轉差。

我好鐘意呢種風力發電嘅...我應該叫佢地做乜呢? 唔識稱呼添, 嘻嘻嘻!

我本來就係應該來呢個地方玩架!!!  呢個就係著名嘅小鎮 Obidos!!!!!!!! Bye bye Obidos!! 下次我回來葡萄牙一定要去參拜你呀!!!!!!!!!!!

搭左大約2個鐘頭巴士, 終於到達 Leiria 喇!! 今日就係轉左來呢個小鎮參觀喇!

呢個鎮應該唔係咁多旅客, 而更加應該沒有甚麼中國人來過呢, 事關我在呢個小鎮行逛時, 不斷被投以好奇嘅目光, 可能佢地都覺得, "你來 Leiria做乜呀?", 定係話, "你真係識貨喇, 識得欣賞 Leiria!" 

出左巴士總站, 會見到一個頗大嘅公園, 雖然我有本葡萄牙英文旅遊書在身, 但介紹 Leiria嘅篇幅, 真係細到你唔信........ 得那幾段咋!

雖然好少旅遊資料在手, 不過我就唔會被嚇親 !! 好, 咁就等我自己發掘資料, 自己搵到第一手資料的話仲有滿足感呢!!! 哈哈!

呢個就係 Jardim Luís de Camões (Garden of  Luís de Camões)。Luís de Camões被視為是葡萄牙最偉大嘅詩人, 地位就如同英國嘅 Shakespeare或者意大利嘅 Dante, 在葡萄牙, 常見有用Luís de Camões為名嘅花園、路名等, 好似澳門都有條路係以 Luís de Camões為名。有興趣知多D有關 Luís de Camões 嘅生平等資料, 可以睇睇: http://en.wikipedia.org/wiki/Luis_de_Cam%C3%B5es

從公園遠望已經可以見到我即將要尋找嘅 Castelo de Leiria (Castle of Leiria)。

未去 Leiria Castle之前有一樣事情一定要先做, 就係找出 tourist information centre!! 因為手頭上關於呢個小鎮嘅資料真係少得很, 我起碼都要搵個 street map先, 如果唔係都唔知點在呢個小鎮遊覽同埋上去山上嘅 Leiria Castle。

之前在巴士總站時, 職員指引我, 話過左公園轉左就會見到 tourist information centre, 所以就一路行一路周圍觀察。果然一出個公園就見到 tourist information centre。

Information Centre那位職員英語非常流利之餘仲好有禮貌好熱心, 令我想起: 上次去北部城市 Braga玩, 我都入過市中心嘅 Tourist Information Centre查詢, 當時那位女職員亦係能操流利英語, 友善熱情, 而且佢仲同我講佢去過香港 & 澳門旅遊添呀!

由於時間所限, 所以拿了一個地圖之後, 就即刻出發去 Leira Castle喇!!

經過一段曲折又頗傾斜嘅小路後, 終於到達 Castelo de Leiria (Castle of Leiria) 喇, 真係行到我索晒氣呀!!

左手邊個小亭裡邊就係買入場票參觀 castle嘅地方, 入場費真係好便宜: 2 euros only!! 好抵呀!

我到達時前面有一大班小學生正在跟隨老師們參觀castle, 噪到鬼咁, 不過熱鬧D都唔錯, 是關之後佢地走晒之後, 個 castle又靜得滯呀, 人都唔多個呀, 我在裡邊行左大約2.5hrs, 只係見過大約5個人, 掉轉頭, 我覺得太少人有少少驚!

見我影左咁多張相, 係咪一個人都冇呢? 我真係好愕然, 點解冇乜人來參觀的?  我沿著城牆再落番去嘅時候, 醒起之前搭車入到 Leiria市中心時, 見到 Leiria 球會嘅球場, tourist information centre嘅職員同我講, 去到城堡上可以睇到山下嘅球場的, 所以我就周圍行, 果然給我見到喇!

真係唔好睇少呢隊甲組球會 - Leiria球會 (葡萄牙文叫做 U.D. Leiria - União de Leiria), 因為大名鼎鼎嘅摩連奴 (José Mourinho) 在 2001-02年曾經執教呢隊球隊, 就係在呢隊教得好而第二年 (2002年) 即刻被 Porto (波圖) 所撬走喇!! 繼而再在 2004年被車路士 (Chelsea) 嘅俄羅斯油王老闆邀請執教。

2004年葡萄牙主辦 Euro 2004, 所以依家所見嘅 Leiria球場 (Estádio Dr. Magalhães Pessoa) 其實係在2003年為迎接 Euro 2004改建而成,

行左兩個幾三個鐘頭嘅 Leiria Castle後, 就離開下山了。未坐巴士返回 Lisbon市中心前, 在 Leiria市中心食左個小點, 同埋行左個圈。Leiria嘅市中心都幾靚幾乾淨幾企理的, 唔少得就當然有傳統葡萄牙地磚 (azulejos)點綴啦!

話咁快就完成呢日嘅 Leiria one-day trip喇, 雖然 Leiria冇大城市咁熱鬧繁華, 但就有充滿小鎮獨有嘅風情。

穿梭葡萄牙/意大利之旅 2011 - 待續!