(I'm sorry for those who can read only English.... this entry is written in Chinese and I need some time to translate it into English.... probably later on)
自從暫時做左全職補習工作以來, 呢幾個星期不斷行走於港島區間, 去唔同背景嘅學生屋企補習, 見到好多新鮮事物, 先發覺, 真係睇多左好多野。
首先, 因為大部份學生都係返全日制, 所以我上午係冇野做的; 所有補習工作都係由下午開始。雖然看來上午好得閒, 但係, 其實我都有野需要準備, 例如近期就快考試, 就會搵多D練習比D細路做; 另外, 有D學生就會問我可唔可以搵D乜乜物物比佢做....
補左一個月習之後發現, 原來補習係辛苦錢! 點解呢? 第一, 成日走來走去, 從A地方去B地方, 要搭車, 行路, 上樓, 我每日都因為咁行左唔知幾多路; 而家天氣開始轉熱, 我只係下午走三個地方, 已經一身大汗, 同埋因為出出入入熱同有冷氣嘅地方, 攪到有時頭痛, 仲試過想嘔咁滯。
第二, 一個學生同另一個學生屋企之間, 都要預算traveling time, 中間隨時冇左半個甚至45分鐘時間, 因為咁, 其實黃金時間並唔係真係做倒好多份補習的。
第三, 有D家長真係諗住搵個廉價勞工囉! 我依家開始知道唔駛心急搵學生, 個D $80/鐘補習嘅offer, 我基本上已經拒絕晒, 除非..... 個D時間唔係黃金時間, 我當 "zip"時間蝕比佢。越有錢嘅人可能先越死cheap, 中半山羅便臣道、旭禾道補2、3年級都offer你$70/80一個鐘, 講真, 去佢地度麻麻煩煩, 浪費唔少搭車時間, 仲要價錢咁唔吸引。
講咁耐, 想分享下我嘅 "所見所聞" 
:
1: 我補緊其中一個係國際學校嘅學生 (遲D再有一個都係咁背景的) ~ 呢個小妹妹雖然得1年級, 但佢絕對係我見過有史以來最過度活躍嘅女仔!! 仲成日做埋D騎呢到爆嘅表情, 又鐘意勁跳, 又無情情會大叫, 痴線!! 佢阿媽都好經典, 對個女嘅所有野都唔清楚架! 問佢個女D野, 佢要打電話問番個舊補習老師! 好野!! 
2: 有一個學生, 我每逢Sunday morning補佢兩粒鐘, 呢個學生, 我上堂第一堂, 入屋第一件事, 佢阿媽叫我屋外除鞋 (fine, no problem), 跟著見到個女帶住口x (=mask), 都 fine, no problem (因為佢唔帶, 我都想帶). 我入到佢屋企, 熱到爆, 一滴風都冇, 佢唔打開門, 又唔開風扇, 個窗冇雷公咁遠 (因為我地在客廳補習), 個廳一個窗都冇。我熱到痴線, 補佢兩粒鐘, 由勁熱坐到變冇感覺, 再到開始覺得有風, 其時.... great, 差不多補完!!! 我真係想媽媽聲呀!! 仲有, 一杯水都冇, 正!! 好在我有枝水在身, 從我兩個鐘觀察所得, 佢屋企人有潔癖 (可能好嚴重添!!), 我都費是問佢攞水飲! 費是等間佢有乜頭暈身熱懶我!!!
3. 有一個小朋友, 好鐘意讚自己叻, 我都頂佢唔多住。但我補左唔耐, 就開始發現, 佢係有自大狂, 多過真係叻囉!! 成日對住D字都會讀錯, 見佢做數學練習, 佢就話要去厠所做 No.2!! 仲要攞埋本練習入去做喎! 出到黎全部練習已經做晒, 仲話好易!! 佢真係以為我低能定....我話 "好易? 定係抄後面答案呀? 好啦, 竟然咁易, 我擦晒佢, 你再做過啦, 應該好快可以在我面前再做過晒佢啫!"。
4. 呢個香港地, 真係有好多唔同背景嘅人..... 我去屋村, 私人樓, 甚至係豪宅, 有人生活好擠迫, 間屋細到冇kitchen, 個廳放晒煮食爐; 但有D人間屋就大到飛起, kitchen大過一D人成間屋, 仲有兩個工人, 有司機, 仲載埋我!
No comments:
Post a Comment