Hello各位, 我又浦番上黎喇......哈哈哈, 大家安康嘛??
其實我並沒有消失於電腦前, 因為佢嘅誘惑實在大過一個靚仔更多
呢排去左一轉深圳書城...嘩, 個書城真係好大, 最重要係, D書、VCD、DVD等嘅價錢真係好平, 雖然我話今年唔再買書, 但最後都忍唔住, 買左少少有關意大利文嘅書, Prison Break嘅Season 1, Heroes嘅 Season 2嘅VCDs (後來發覺死蠢, 上網都有得睇啦, 駛鬼買咩), 仲有一隻關於葡萄牙一個著名palace嘅VCD.... 買咁多野, 竟然都係HK$200左右...好彩我唔鐘意睇簡體字, 如果唔係我呢轉轉深圳之旅好唔得掂。
由於係去書城, 所以就搭火車去落馬洲落車...其實我鐘意去呢度過關多好多, 事關舒服好多; 羅湖又多人、又亂, 好鬼驚!!!
大戰書城嘅中路因為超肚餓, 所以去左裡面一間餃子店食飯...呢間店之前個friend去過, 佢話D野好食。
忽然間, 個好友從佢個袋攞左呢支酒出來喎!!!!!!!!!! 嘩, vodka, 正正正呀!!! 佢話係送比我嘅生日禮物喎...多謝晒佢呀, 之前講過, 唔好送野喇, 因為屋企冇咁多位放擺設, 但呢樣禮物真係好正, 善我鐘意到不得了呢 
!! 佢真係知我心意呢, thanks very much, my good friend!! hahaha
我地今次係沿地鐵玩下行下....其中有個大商場, 呢度有部分舖頭真係好攪笑, D店名好奇怪, 簡直唔知點發音囉.... 唔信比大家睇下....
Marisfrolg... 係咪德文黎架呢??
呢兩間舖嘅店名都幾搞野!!!
呢間舖...我地在門外笑左好耐!!! 唔係Hugo Boss, 應該係扮囉... Boss Imingqi, 我地研究左好耐, Imingqi 係乜意思?? 佢應該係Hugo個阿爸、細佬、大佬, 或者uncle囉!!!!
雖然有好多奇怪舖頭, 不過我地又在裡面搵到一間真野 ~ Smart嘅official store!!
之前在意大利經常見到 Smart minis...依家見到, 有一種莫名嘅親切感呢....
我地之後去左一個地方, 呢個地方令我留下深刻印象, 因為佢地賣嘅野真係好靚...
就係在崗厦地鐵站B出口附近嘅 "星河第三空間", 呢個家具中心賣嘅野極靚極有品味, 我地入左去, 完全唔記得自己係去左深圳。
本人對A貨、B貨呢類野冇乜興趣。反而我覺得睇下D靚野有意思多D, 唔係話扮高級, 但起碼可以欣賞得到深圳另一面比較正面D嘅野, 而且欣賞靚野應該係好自然嘅事, 哈哈哈...
呢間燈飾舖嘅燈勁靚, 又豪華, 舖頭裝飾得好有格調 (當然仲有一個型男襯托一下添)....
晚飯就走左去Coco Park... 深圳真係好唔同, 我鐘意呢邊, 多過羅湖、商業城個邊多好多。
No comments:
Post a Comment