意大利 Amalfi Coast 四圍行 (4) - 絕美 Positano

繼續意大利 Amalfi Coast 之旅 (實在太耐沒有update喇)!!!



先坐巴士: Sorrento --> Amalfi (小鎮) , 參觀過後,

坐船: Amalfi --> Positano (小鎮), 參觀過後, 最後,

坐巴士: Positano --> 返回 Sorrento

上回講到, 我去到Amalfi (city) 快快玩左兩個鐘左右, 但由於時間關係, 要趕住坐船由Amalfi再搭船去另一小鎮, 就係Positano, 繼續今日個 one-day trip。



之前聽一些意大利朋友談起 Positano時, 往往都會聽到大家如何讚呢個小鎮有幾靚幾吸引, 但講真, 我去到時, 頗失望呢!! Positano非常之細不特止, 而且根本沒有甚麼事情可以做!!! 除非你stay在呢個鎮, 咁都可以走去沙灘游下水、堆下沙吖! 但一日遊, 邊會帶咁多野在身呢!

呢個town, 從海上 (船上)看過去, 個 view的而且確係好靚, 不過落船後就冇野好做!! Shopping來來去去都係賣紀念品、時裝之類, 我個人對此興趣不太大。唔需要一個鐘就可以行完整個鎮喇!!

個沙灘都幾大!!




沙灘旁有幾間餐廳, 不過意大利消費都幾驚人, 加上呢度係出名旅遊小鎮, 食物價格肯定昂貴啦, 所以我冇想過在呢度食任何野, 哈哈!!




由於沒有甚麼東西可以做, 就不如慢慢行, 順便搵番D路, 準備搭番巴士返回 Sorrento, 結束一日嘅 Amalfi Coast 小鎮之旅。嘩, 原來回 Sorrento 嘅巴士站係在半山之上!!!!! 由碼頭行番上半山, 絕對唔講得少! 行到氣喘!! 我想我足足行左半個鐘 (慢行、停低影下相、又在一間店買左個檸檬沙冰飲以解熱!!)

趕頭趕命, 咁就完成一日嘅 Amalfi Coast之旅!! 平心而論, 一日去2個鎮真係勁趕, 但由於時間有限, 都冇辦法。本來仲有一、兩個小鎮都想去, 但實情絕對冇可能, 除非自己揸車, 時間就會控制得更好。但據悉旺季時嘅 Amalfi Coast沿路極多車, 常塞車又好難搵位泊車, 所以搭巴士或者坐船穿梭呢D小鎮遊玩會化算得多。


穿梭葡意之旅 2011 - 待續!!