實在太耐沒有談有關愛隊祖記嘅事情了, 因為上一季 (2010-11)球季, 祖記踢得非常差, 連歐覇杯都冇份踢, 極之失望
!!不過今季由祖記舊將 Conte領軍以來, 成績似乎幾好, 暫時排聯賽第一!! 嘻嘻嘻!
但呢幾日就傳出消息, 球會主席在祖雲達斯嘅會議上宣布, 隊長廸比亞路 (Del Piero), 在今季結束後, 將來離開球隊。好傷心呀, 駛唔駛季初就宣布呢個消息呀? 仲要咁鬼祟地宣布.....
隊長忠心效力球隊多年, 還在2007年隨球隊因電話門事件一齊降班, 無容置疑係最忠義之球員之一, 唔知佢會唔會在祖記宣布自己嘅球員生涯結束呢? 希望佢跟著會留在球隊, 好似Nedved一樣, 以另一種身份繼續為球隊效力呀!
今季絕對係買印有隊長名字嘅球衣嘅最後一季, 為此, 我決定瘋狂一次, 主場和作客球衣都買晒, 當然印佢名名同number啦!! 好有紀念價值架!!
主場球衣嘅款式每年變化都不太大。我搵左成個櫃嘅有關隊長嘅物品作配襯, 係咪好靚呢?
作客嘅背面當然係印隊長嘅名字 & number啦!
我非常喜愛今季呢件作客, colour夠鮮豔, 值得收藏。
至於字體同主場是一樣款式, 不過就係黑色的。
我相信今年隊長嘅球衣、名字同埋number肯定熱賣, 因為機會不再有了。各位喜歡隊長的球迷快手去買, 留為紀念呀!!
Forza Juve!! Forza Capitano!!
Sono Tracy~! 我開左學之後又讀書又做jobs，真係好忙，所以好耐冇黎「探」你啦。宜家Yahoo blog變左樣，我搵唔番我之前留言嗰個位，惟有隨意搵個位留個言啦。
ReplyDelete我地跟Franco學意大利文，轉眼間過左一個月啦。本書教到三十幾頁。唉，因為太忙，成日都搾唔出幾多時間溫，真係幾無奈。好彩我本身識少少基本野，暫時都頂得住。
[版主回覆10/25/2011 18:57:28]Ciao Tracy!! Long time no chat. 我都估你會好忙的了...有jobs做好呀, 即係有錢賺又有機會累積經驗! :-D
原來已經讀左30幾頁了, 好快呀! 你班有幾多同學呀? 學得好嗎? 我都忙到儍, 因為你知我依家學緊一D野啦, 11月中先至完全完成, 到時先可以得閒番D, 所以呢排意大利之旅嘅遊記完全停晒...好無奈!!
您太客氣啦！^ v ^
ReplyDelete您非常..喜歡..睇足球？
嘩！連球衣都收藏...
[版主回覆10/25/2011 19:00:11]哈哈哈 Ping, 冇錯呀, 我鐘意睇足球, 係意大利國家隊同埋意甲球會祖雲達斯嘅球迷... 我人生最肯花錢嘅地方應該係去旅行 & 買球衣!! 哈哈哈哈哈哈!!
你好啊! 我很喜歡你的BLOG!因為我也是祖記的球迷, 特別是隊長迪比亞路! 我都知道今季係佢最後一季踢祖雲達斯, 希望可以係佢退休之前去一次主場睇佢. 我今個聖誕會去意大利, 第一站係都靈, 主要係想去個新球場朝聖, 但係個段時間係歇冬, 所以冇比賽. 希望可以好似你咁, 係條街都撞到D球員~~
ReplyDelete[版主回覆11/16/2011 20:06:14]嘩, 如果你復活節去都好喎!!! 今年個球季應該快完成, 因為6月就開始歐洲國家杯! :-)
[Connie回覆10/28/2011 15:55:04]Hello, 感謝你的回覆啊!我都好想可以去個球場到睇波啊, 但因為今次個行程要遷就朋友的假期, 而且我地都係聖誕先有咁多假可以去, 所以今次應該無機會睇到波. 所以我而家其實都諗緊好唔好出年復活節既時候再去多次, 以睇波為主!!
[版主回覆10/27/2011 20:39:30]Hello Connie!! 好高興呀, 原來你都係祖記球迷!!! 嘩, 太好喇你會聖誕過去都靈, 但點解你唔等多一、兩個星期, 等聯賽開番時入球場去睇波呀? 印象中, 球會唔會平時冇比賽而開放給公眾參觀的, 不如你試下 delay行程吖!! 我有個 friend上排都去左新球場睇左場波, 佢話氣氛超好呀!! 嘻嘻嘻...
hahha~連阿ta你都冇用哩個blog咁喇~hhahaha~
ReplyDelete[版主回覆11/14/2011 21:29:05]力高, 我真係好耐冇寫文章呀, 依家差不多完成個course, 所以可以出來見番你地多好多喇, 我仲剛剛寫左一篇添呀, heehee.
阿ta~~我見到e-mail~你話回覆左我但冇左個留言~~~但我來哩渡睇連你哩個留言都唔知去左邊囉~~咩事呀!!!!!!! 好驚呀!!!!!!!!! 究竟想點呀!!!
ReplyDelete[版主回覆11/17/2011 20:35:54]我都就來被Yahoo blog激壞!! 力高, 我尋日發現, 原來有D原本已經 set 左關注嘅朋友, 佢地有 update但我就沒有見到.... 咁真係好難搞, 因為我好容易會miss左朋友嘅新文章囉!!! 好彩暫時你嘅新文章我有收到update咋, heehee..
我想問下,主場連字大約幾錢?
ReplyDelete[版主回覆01/06/2012 22:39:57]oh, 唔係記得好清楚添...好似係 $590... 要唔要我幫你 check下? 我上次都幫個 friend買, 因為同舖頭熟所以平少少, 哈哈哈