轉眼間, 已經在 Madeira Island幾日喇, 今日參加另一間當地旅行社所舉辦嘅一天遊。
今日參加嘅係另一間當地旅行社嘅團, 叫做 Island East Tour。當地旅行社嘅團其實好多行程都大同小異, 價錢亦唔差得遠, 可能比較大分別係出發日期, 因為每間旅行社都每日有唔同團出發, 大家可以就自己在 Funchal 會逗留嘅時間而決定選擇參加什麼團。
網上有關 Madeira Island 以及當地旅行資料, 包括旅行社, 都好易找尋, 而且資料都好豐富, 我未出發去 Madeira Island前, 已經與當地旅行社 booked好我要參加團嘅日子, 好方便。
Island East Tour 嘅行程: Funchal --> Camacha --> Pico do Arieiro --> Ribeiro Frio --> Frial --> Santana --> Portela --> Ponta de São Lourenço --> Santa Cruz --> Funchal
Pico do Arieiro 係 Madeira Island第三高嘅山, 高大約1810米, 從呢個山, 可以俯瞰島嘅絕佳景色。順便一提, 呢個山係一個火山。
Footpath: 有氣有力嘅朋友可以自己或者跟當地旅行團去行山。
Ribeiro Frio 綠樹林蔭, 仲有一個鳟魚養殖場。
巴士團一路上所見都係一片又一片綠油油嘅梯田、樹林, 當然唔少得大西洋海景啦。
Santana就係我參加呢個旅行團嘅最重要原因, 哈哈。 之前在搜集旅遊資料嘅過程中, 發現Santana呢個小鎮, 有好傳統古老而且所餘無幾嘅呢種外號 "A-house"嘅小屋 (葡萄牙文叫作 palheiros)。呢種小屋全部都係一間一間獨立而建, 好多都已經再沒有人居住, 被改成同旅遊有關嘅展覽之用。
好似呢間咁.... 就佈置到好有聖誕氣氛。
至於呢間呢.....就用作展覽 Madeira不同品種嘅花草, 裡邊亦有種子售賣, 有興趣可以買D返屋企自己試下種唔種得成吖。
個crane認真破壞晒個咁靚嘅景!! 
跟住呢一站就係 Portela, 呢個小鎮, 唔係話太特別, 都係睇睇個無敵大西洋海景, 之但係我最有印象反而係呢度個 miradouro (觀賞台)可能因為無遮無擋嘅關系, 超級大風! 有興趣也可以在小店買杯當地飲品 poncha飲下, 試下會唔會好快飲醉呀!! 哈哈!
著名嘅 Eagle Rock! 因為以前係 eagles嘅棲息地。
從 Portela去另一景點 Machico嘅途中, 因為風景實在好正, 司機 + 導遊嘅先生停左一陣車, 比我地落車影幾張相留念 。
Machico! 呢個係Madeira Island第二大鎮 (最大係首都城市 Funchal)。Machico呢個人工沙灘好鬼靚呀, 可惜我冇帶泳衣啦..... 但查實就算有帶都冇用, 事關我地在呢度只大約停留30分鐘。落得水, 都唔夠時間沖身換番衫集合上番旅遊車呢。
That's the end of this one-day trip.... 返回 Funchal 市中心, 我首先返回酒店放低個袋, 再出去食晚飯。
酒店樓下有間賣中國東西嘅舖頭, 個名好有親切感, 事關佢叫做 "Bazar Macau"!! 去度10萬9千里外嘅Madeira, 都見番咁港澳嘅野, 中國人果然無處不在!! 
明天就要離開 Madeira Island了.....好唔捨得呢。我絕對推薦去 Madeira Island 玩。
我要再來 Madeira Island呀!
穿梭葡萄牙/意大利之旅 2011 - 待續 ! (下一站: Lisbon里斯本)
)
