葡萄牙 Madeira Island (1)!

剛剛去完一個 葡萄牙 + 意大利之旅  ! 始終都係都最鐘意去歐洲玩, 不過去一次歐洲花費認真唔少, 所以今趟旅程之後, 又要再繼續努力儲錢, 為下一次歐遊作準備。

今次旅程第一站係葡萄牙嘅 Madeira Island。Madeira Island係葡萄牙球星 C.Ronaldo嘅家鄉, 個島雖然偏遠左D, 但實在並唔係人影冇隻; 相反, 呢個島一年四季都好多遊客, 最多係歐洲人, 亞洲遊客就比較少, 唔知係咪因為呢個島離亞洲實在好遠。 

 

去Madeira Island真係長途拔涉, 因為要在 Lisbon再轉機, 所以到達Madeira Island嘅首府 Funchal 時, 已經差不多6pm。前後經過24小時左右轉左幾次飛機, 我真係疲倦不堪, 所以冇等機場巴士, 走左去搭的士到酒店 check in.... 我並唔係錢多, 而係真係倦到好緊要, 寧願例外來一次用錢買時間。

 

去到酒店 check in完, 即刻趁天未黑行下出去 city centre睇下野先。

今次來呢個島, 碰啱係島上一年一度最大型嘅節慶 'Flower Festival 2011"嘅舉行期間, 所以島上嘅遊客更多。Madeira Island 非常安全, 完全唔駛擔心治安問題, 極好。

因為正在 Flower Festival舉行期間, 所以市中心內好多關於花嘅展覽, 有一列花檔, 每檔都有穿著傳統服裝嘅店員, 招待顧客。每檔都展賣好多色彩奪目嘅花草, 有好多花我從來都未見過, 開得又大又靚, 顏色靚到不得了!

 

除左一列嘅花檔之外, 市中心嘅地上仲有一大張地毯 - 正確來講係一大張用花同埋草砌成嘅 "Flower Carpet"! 由於張毯實在太長, 根本冇可能影得晒, 所以我都係一節一節咁影出來。

 

話得 "Flower Festival", 當然唔會冇花卉展覽 "Festa da Flor"!! 裡面幾日以來都經常擠滿人。

 

"Flower Festival" 嘅最高潮係星期日舉行嘅 "Flower Parade", 我到達 Madeira Island首都 Funchal當日係星期六傍晚, 節日氣氛非常濃厚, 有不少在第二日花車巡遊中將要作表演嘅表演者, 在大街上行逛, 吸引唔少遊客替佢地、或者同佢地影相。

 

大街上有一檔賣 poncha (Madeira傳統酒)同埋 sugarcane juice嘅檔, 好多人排隊賣來飲。話你地知, poncha真係好勁抽呀, 我飲左半小杯已經開始醉醉地喇!! 至於 sugarcane juice, 真係好好飲, 我日日都去飲一杯, 好鮮甜好清新, 我睇住佢地即渣即賣, 所以應該冇落防腐劑!!! Hahaha.

下集繼續...... 一年一度靚爆正爆嘅 Madeira "Flower Parade"!!!!

穿梭葡意之旅 2011 - 待續!